Тәмамлана көзге эшләр,

Җыеп алына уңыш.

Октябрьгә кергән чакта

Кеше күңеле тыныч.

Әйе, көзге эшләр тәмамланды. Өстәлләр мул ризыктан сыгылып тора. Бар дөнья төрле төсләргә бизәлгән. Укучылар да шушы матурлыктан могҗизалар тудыра, һәркем үз фантазиясен эшкә җигә.

Бүген мәктәбебез коллективы Арча районы мәктәпләре составында Казан шәһәренең Агропромышленность паркында уздырылган ярминкәдә катнашты һәм яшелчәләр, авыл хуҗалыгы товарлары белән сату итте.

Җәй көне укучылар мәктәп бакчасында тырышып эшләделәр. Хезмәтнең нәтиҗәсен күрер чак җитте. Кишер, чөгендер, кабак, кәбестәләрдән мул уңыш алынды.

Укытучылар көне уңаеннан мәктәптә бәйрәм чарасы үтте. Укучыларның чыгышы, җыр-биюләре һәркемгә күтәренке кәеф бүләк итте.

Хөрмәтле укытучылар! Сезнең барыгызны да һөнәри бәйрәмегез белән котлыйбыз. Уңышларыгызга сөенеп, бәхет хисе кичереп яшәргә язсын сезгә. Сау –сәламәт булыгыз, хыялларыгыз һәрвакыт чынга ашсын!

Бүген “Мөстәкыйль балалар” республика проектында катнашучы укучыларыбыз районда үткәрелгән семинарда катнашты.

Көннән-көн автомобиль транспорты үскәннән - үсә бара. Ә юллар һаман элеккечә. Шуңа күрә транспорт хуҗасына да, җәяүлегә дә юл йөрү кагыйдәләрен белү бик мөһим. Бәла аяк астында йөри, диләр. Юл йөрү кагыйдәләре мәктәптә өйрәтелсә дә, фаҗигалар еш булып тора. Шуңа күрә юл йөрү кагыйдәләрен гамәли күнегүләр ярдәмендә өйрәтү бүгенге көндә бик актуаль. 3 нче сыйныфта “Уткүз патшалыгында” дигән уен-ярыш шушы максат белән үткәрелде.

Бүген район мәдәният йортында укытучылар көненә багышланган бәйрәм тантанасы узды. Әлеге тантанада  хезмәтләре белән зур уңышларга ирешкән укытучылар, мәктәп коллективлары бүләкләнде. Безнең мәктәбебез дә "Яңа уку елына иң хәзерлекле мәктәп " номинациясендә  3 нче урынны яулады.

Өлкәннәр көне һәм декадасы уңаеннан мәктәбебезнең яшь  тимурчылары аларны бәйрәм белән котлый, йорт эшләрендә булыша. Өлкәннәр дә аларга рәхмәтле: укучыларыбызның акыллы, тәүфикълы, сау-сәламәт булып үсүләрен теләп калалар.

Кадерле әбиләребез, бабайлар, апалар, абыйлар! Сезне өлкәннәр көне белән чын күңелдән котлыйбыз. Сезгә ныклы сәламәтлек, чиксез шатлык, балаларыгызның игелеген күреп яшәвөгезннө телибез.

Картлык шатлык түгел диеп,

Гөл моңаеп тормыйк әлө.

Сагыш - моңнарны таратып,

Елмаешыйк, көлик әлө.

Картаябыз димик әлө.