17 мартта ата-аналар җыелышы булып узды. Җыелышта короновирус турында аңлатылды, гигиена кагыйдәләре, пожар куркынычсызлыгы искә төшерелде.

"Добрые крышечки" акциясе дәвам итә. Бүгенге көндә 1нче сыйныф укучылары 555 крышка тапшырды. Иң күп тапшыручылар: Нурисламов Г. - 158, Гаптрахманов А. - 105, Ахунҗанова З. - 94, Насыйуллина Р. - 80, Сәләхова А. - 76. Әйләнә-тирәбезне чистартуга һәм ятим балаларга ярдәм итүдә бездән дә өлеш керсен әле!

9 нчы класс укучылары Арчаның  120 номерлы һөнәри уку йорты укытучылары белән очраштылар. Бу уку йортында  үзләштерергә мөмкин булган һөнәрләр белән таныштылар, үзләрен кызыксындырган сорауларга җаваплар таптылар.

Атналык линейкада мәктәп күләмендә узган класслар арасында чаңгы ярышында һәм волейбол ярышында урыннар алган укучылар грамоталар белән бүләкләнде.

8 класс укучылары армия сафларында хезмәт иткән авылдаш егет Әмиров Дамирга хат язып салдылар.

Бөек Җиңүнең 75 еллыгы якынлашкан көннәрдә мәктәбебез укучылары һәм укытучылары тыл ветераннары турында материаллар туплыйлар, папкалар ясыйлар. Чираттагысын җәйгә 100 яшьлек юбилеен билгеләп үтүче тол калган тыл ветераны  Вафина Шәмсенур апага багышладылар.  

Мәктәбебездә класслар арасында волейбол ярышлары башланды.

«Өчпочмаклы солдат хатлары» акциясендә катнашып, 9 класс укучылары бүгенге көндә армия сафларында хезмәт итүче авылдаш егетләргә хатлар яздылар.

“Без бергә” балалар халык иҗат фестиваленың максаты булып балаларның һәм яшүсмерләрнең нәфис - эстетик иҗатын үстерү тора. Халык мәдәниятенә, балаларда милли мәдәнияткә карата кызыксыну уяту, талантлы балаларны ачыклау һәм аларга ярдәм итү бурычын да күз алдында тота ул. Бүген  бәйгенең муниципаль этабында җиңүчеләр белән гала- концерт  оештырылды, җиңүчеләр бүләкләнде.

Алан башлангыч мәктәбенең 2 нче класс укучылары тыл ветераны Һидиятова Дания апаны бәйрәм белән котладылар.