Мәктәбебез Арча укучылар сарае белән хезмәттәшлек итә. Физик-тәрбия укытучыбыз Нәбиуллин Разил Расип улы укучыларыбызны бик теләп туризм серләренә төшендерә. Укучыларыбыз Республика һәм район күләмендә оештырылган ярышларда актив катнашып, матур күрсәткечләргә ия булалар. Туризм түгәрәге балаларны төрлелеге белән җәлеп итә. Шуны да онытмаска кирәк – спорт тәвәккәлләрне ярата. Биредә төшенкелеккә бирелсәң, бернинди нәтиҗәләргә дә ирешеп булмый. Шуңа да яшьтән үк спортка тартылырга, сәламәт яшәү рәвеше алып барырга кирәк. Бүген мәктәбебездә Кыш бабай призына туризм ярышлары булып узды. Әлеге түгәрәккә йөрүче укучыларыбыз үзара көч сынаштылар. Җиңүчеләргә грамота һәм медаль тапшырылды. Укучыларыбызга алга таба да зур уңышлар телибез.

Мәктәбебездә Яңа ел бәйрәменә әзерлек башланды. Классларны, коридорларны укучылар чыршы бизәгеч уенчыклар белән бизәделәр. Класс- кабинетларга, коридорга бәйрәм төсе керде. Укучыларыбыз дәресләрдән соң “Яңа ел бәйрәме”нә газеталар чыгардылар, күмәк биюләр, җырлар өйрәнделәр.

Тылсымлы һәм искиткеч бәйрәм – Яңа ел, бүләкләр һәм матур теләкләр вакыты якынлаша. Без барыбыз да Яңа ел алдыннан могҗиза көтәбез , чөнки һәр олы кешедә балалык сыйфатлары саклана. Бөтен кеше бу матур бәйрәмне түземсезлек белән көтә һәм әзерләнә: өйләр, мәктәпләр, балалар бакчалары, тирә-юнь бизәлә. Бездә дә укытучылар һәм укучылар тырышлыгы белән мәктәп эчен бизәү башкарыла. Быел бу эшкә өлкән сыйныф укучылары да бик теләп катнашалар. Алар тәрәзәләргә матур бизәкләр төшерәләр, чыршы бизиләр. Бу сихри бизәлешне куреп, күңел күтәрелә.

Укучыларның Бөтенроссия фән олимпиадаларының муниципаль этаплары дәвам итә. Мәктәбебезнең 9 нчы класс укучысы Камалова Диләрә (укытучысы Нәгыймова Р.Р.) һәм 4 нче класс укучысы Хөсәенов Данир (укытучысы Гарипова А.А.) туган (татар) теле фәне буенча уздырылган олимпиада да катнашып, призёр дәрәҗәсенә лаек булдылар. Призёр булган укучыларга һәм аларны әзерләгән укытучыларга киләчәктә дә уңышлар телибез!

18 нче декабрь көнне Арча Укучылар сараенда туризм түгәрәгендә шөгыльләнүче укучылар өчен ярышлар уздырылды. Г.Камал исемендәге Сикертән төп мәктәбе укучылары үзләрен булдыклы туристлар итеп күрсәтеп, матур нәтиҗәләргә ирештеләр.
2 нче сыйныф укучысы Асхадуллин Камил 2 нче урынга, 3 нче сыйныф укучылары Шәймәрданова Гүзәл 1 нче урынга, Гарипова Назгөл 2 нче урынга, 7 нче сыйныф укучысы Абрамова Рәмзия 2 нче урынга, 9 нчы сыйныф укучысы Шәвәлиев Илүз 3 нче урынга лаек булдылар. Җитәкчеләре югары категорияле физик-тәрбия укытучыбыз Нәбиуллин Разил Расип улы. Укучыларыбызны ирешкән нәтиҗәләре белән кайнар котлыйбыз һәм киләчәк ярышларда да шулай актив катнашуларын, югары үрләр яулауларын теләп калабыз.

Татар халкы – бөек халык. Аның үткәне, әби-бабайларның гореф-гадәтләре, гаилә йолалары бик бай. Ә халкыңнын үткәнен, гореф-гадәтләрен белер өчен – ана телен яхшы белергә кирәк. Үз телен саклаган милләтнең генә киләчәге бар. Шушы максаттан чыгып, бүген “Туган телем сагында” акциясе кысаларында башлангыч сыйныф укучылары татар телендә басылган матур әдәбият, “Салават күпере” журналы белән таныштылар: әкиятләр, шигырьләр, хикәяләр укыдылар.

Районыбызда Арча радиосы эшчәнлеге бик матур алып барыла. Бүген мәктәбебезнең башлангыч класслар укытучысы Заһидуллина Гөлгенә Данис кызы һәм 3 нче сыйныф укучылары Гарипова Назгөл, Шәймәрданова Гүзәл “Мәгариф чаткысы” тапшыруында катнаштылар. Әлеге тапшыруда алар мәктәбебез тарихы, уку-укыту эшчәнлеге, мәктәптәге үткәрелгән чаралар һәм укучыларның казанышлары турында сөйләделәр.

Сегодня, 12 декабря, отмечается День Конституции Российской Федерации. Именно в этот день 31 год назад на всенародном голосовании был принят основной закон страны.

В рамках "Недели антикоррупционных инициатив" в 6 классе прошло анкетирование «Что я думаю о коррупции и как бороться с коррупционными проявлениями?»
Цель: формирование нетерпимости к коррупционному поведению и проявлениям в обществе, антикоррупционная пропаганда.
По результатам анкетирования ученики показали знания по вопросам коррупции, а также выявили мнение относительно основных ее причин и способов борьбы.

9 декабря, в Международный день борьбы с коррупцией, состоялся круглый стол «Мир без коррупции», организованный заместителем директора по воспитательной работе Нуриевой Д.Г.
В работе круглого стола приняли участие ученики 8 класса.
Мероприятие нацелено на повышение уровня осведомленности учеников старших классов о проблеме коррупции и социального формирования антикоррупционной культуры.
Во время обсуждения участники круглого стола затронули вопросы, касающиеся причин совершения коррупционных действий, законодательства в сфере противодействия коррупции, ответственности за коррупционные правонарушения и преступления, обсудили вопросы современных угроз и рисков, связанных с проникновением коррупции.