1-11  март көннәрендә мәктәбебездә сәнгать ункөнлеге уза. Чираттагы чараның берсе-сәнгатькә багышланган китаплар күргәзмәсе. Китапханәче Хисматуллин И.И. укучыларны әлеге күргәзмә белән таныштыра.

     Хөрмәтле тормышыбызның иң гүзәл затлары – хатын-кызлар! Сезне ихлас күңелебездән язның иң гүзәл бәйрәме – 8 нче Март Халыкара хатын-кызлар көне белән котлыйбыз. Яз бәйрәме тазалык-саулык, рухи сафлык, яңа җиңүләр, иҗади уңышлар алып килсен. Ышаныч хисләре Сезне яңадан-яңа үрләргә рухландырсын, яз кояшы тормыш юлларыгызны тагы да ныграк яктыртсын. Гаилә бәхете, аяз көннәр, матур ал таңнар Сезгә юлдаш булсын! 

                Мәктәбебездә "8 нче Март - Халыкара хатын-кызлар көне" нә багышланган ”Кызлар – язгы чәчкәләр”  исемле ярыш -  кичә булып узды. Ярышның      максаты: укучыларны  тапкырлык, зирәклек, уңганлыкта сынап карау; сәхнәдә үз-үзләрен иркен тотарга өйрәтү; әдәбияткә, сәнгатькә мәхәббәт тәрбияләү.
Җылы көн һәм язгы тамчы белән,
Ләйсән яңгыр, соңгы буран белән,
Назлы кояш, иртәнге нур белән,
Котлыйм сине, туташ,бәйрәм белән!

            Яңа Кырлай мәктәбендә күренекле татар шагыйре Габдулла Тукайның 130 еллыгына багышлап "Тукайга ияреп" исеме астында  районара яшь иҗатчылыр бәйгесе  оештырылды. Мәктәбебезнең сәнгатьле сүз остасы, үзе дә шигырьләр язучы   4 класс укучысы Мәҗитова Галия Тукайның шигырьләрен заманлаштырып, бик тә үзенчәлекле шигырь иҗат иткән иде."Тамашачы мәхәббәте"  номинациясендә җиңеп, Диплом белән бүләкләнде. Афәрин Галиябез! Сиңа иҗади  уңышлар телибез!

    Укучыларның сайлап алу имтиханнарына әзерлек торышын тикшерү максатыннан, мәктәбебезнең 9 нчы  класс  укучылары  җәмгыять белеме һәм химия фәннәреннән сынау имтиханы  тапшырдылар. Укучыларыбызга  уңышлар, тырышлык  телибез.

        Г.Тукайның 130 еллык юбилее уңаеннан  мәктәптә шагыйрьнең әдәби мирасы белән киңрәк таныштыруны, шигырьләрен яттан өйрәнүне  максат итеп куйдык . Һәр укучы бала Тукай   шигырьләрен  күңел түрләрендә сакларга тиеш. Башлангыч класс укучылары  район күләмендә үткәреләчәк “Яңгыравык шигырь тамчылары”, өлкән  класс укучылары  “И туган тел и матур тел – әткәм-әнкәмнең теле” шигырь укучылар   бәйгесенә ихлас күңелдән әзерләнәләр

     В  феврале в школе прошёл месячник военно-патриотического воспитания. Учитель ОБЖ  и физкультуры Набиуллин Р.Р. и педагогический коллектив школы тщательно продумали план месячника.  В ходе его были проведены уроки мужества, классные часы, военно-спортивная игра "Зарница", конкурсы сочинений и рисунков. Как итог месячника была проведена торжественная линейка, на которой победители были награждены Почётными грамотами и подарками. 

               29 нчы февраль көнне мәктәптә "Аҗаган" уены үткәрелде. Уенның максаты: укучыларга хəрби – патриотик тəрбия бирү, хəрби белгечлек, гаскəр төрлəре белəн таныштыру, балаларда Туган илне сакларга омтылыш уяту, мөстəкыйльлелек, аңлы дисциплина, үзара дустанə мөнəсəбəт, ихтыяр көче, тапкырлык тəрбиялəү.

           Уенга "Пилотлар" һәм "Югары лига" командалары ныклы әзерлек белән килгәннәр. Уен барышында командалар арасында хәрби ярышлар (миналар эзләү, граната  ату, яралыларны ташу, һ.б.) оештырылды. Уенда һәр ике команданың да оешкан төстә катнашулары бик сокландырды. Гомумән, хəрби – патриотик айлык бик нәтиҗәле үтте.

  “Җырым белән җиңдем дошманны...”     

      Мәктәбебездә “Хәтер Маршы – 2016” кысаларында Советлар Союзы Герое, Ленин премиясе лауреаты патриот-шагыйрь Муса Җәлилнең тууына 110 ел уңаеннан класс сәгатьләре, “Гомерем минем моңлы бер җыр иде...” дип аталган әдәби-музыкаль чара үтте. Татар теле һәм әдәбияты укытучысы Нәгыймова Равилә Рәфкать кызы җитәкчелегендә 1 нче һәм 9 нчы сыйныф укучылары шагыйрьнең балачагы белән бәйле күренешләрне “Кызыл ромашкалар” шигырен сәхнәләштерделәр, тормыш юлын яктырттылар, Муса Җәлил сүзләренә язылган җырлар башкардылар. Әлбәттә инде, бик күп шигырьләрен яттан сәнгатьле сөйләделәр. Батырлар үрнәге булган Муса Җәлил иҗаты күпләрдә тагын бер кат кызыксыну уяткандыр.

      Мәктәбебез Галиәсгар Камал исемен йөрткәнлектән, театр коллективы белән тыгыз элемтәдә торабыз. Корпоратив клиентлар белән эшләү менеджеры  Сөнгатуллина Гөлүсә чираттагы чакыру җибәргәч, 24 нче февраль көнне  без юлга чыктык. Уңайлыклары булган экспресc автобус коллективны килеп алды. Бу көнне Фәтхи Бурнашның "Яшь йөрәкләр" музыкаль комедиясе куелды. Актёрларның осталыгына сокланып, чын күңелдән ял итеп кайттык.