В рамках Года национальных культур и традиций в МБОУ “Шушмабашская СОШ” прошли классные часы на тему "Народные художественные промыслы Республики Татарстан". Проведенные классные часы способствовали формированию у обучающихся представления важности и сохранения развития духовных ценностей, возрождения исконных национальных традиций, развитие национальных ценностей, обычаев культуры и традиций народов Республики Татарстан.

       Бүген мзктзбебез үзенең яраткан укучыларын кабаттан үзенә җыйды. Барлык укучыларны дәрескә чакырып 1 нче кыңгырау  тавышы яңгырады.Тантаналы линейкада Арча муниципаль районы башкарма комитеты җитәкчесе Гатиятов Ринат Мансурович, "Кырлай" агрофирмасы җитәкчесе Каримов Марат Габделхаевич, "Северный" күмәк хуҗалыгы җитәкчесе Мухлисов Илнар Ильясович, авыл җирлеге башлыгы Сагитов Вәзир Вазыйхович катнашты. Бәйрәмебезне ветеран укытучылар тагын да ямьләндерде. Укучыларга, укытучы-остазларга уңышлар телибез! Хәерле сәгатьтә!!!

     Бүген, тантаналы линейкада "Алдынгылар хәрәкәте"-"Движение первых" оешмасы эшчәнлегенә старт бирелде. Алдынгылар хәрәкәтенең девизы әйтелде, кызлар "Алдынгылар хәрәкәте"нең флешмобын тәкъдим итте. 

    22 август -  Россия Федерациясе Дәүләт флагы көне . Әлеге бәйрәм белән барлык укучыларны, укытучыларны котлыйбыз!  Илебезнең лаеклы егетләре, кызлары булып , үз иленең патриотлары булуын телибез.

2 август көнне Шушмабаш урта мәктәбендә Арча муниципаль районы яшьләр бүлеге хезмәткәрләре, "Форпост" оешмасы, мәдәният бүлеге хезмәткәрләре укучылар белән бәйрәм оештырды. Программада кызыклы уеннар, хәрәкәтле ярышлар урын алган иде. Бәйрәм укучыларга бик ошады.

Мәктәбебездә атна буена яңа уку елына әзерлек эшләре башкарылды. Мәктәп эчендә косметик ремонт ясалды, мәктәп яны территориясе , бакчада эш гөрләде.  

Мәктәп бакчасында эшләр дәвам итә.Сарымсак, карлыган уңышы инде җыеп алынды, Бүгенге көндә укучыларыбыз бик тырышып чия җыйдылар. 

Менә 21 көнгә исәпләнгән җәйге мәктәп яны лагеры тәмамланды. Балалар лагерьга бик теләп йөрделәр.Тәмле итеп ашадылар,төрле кызыклы уеннар уйнадылар,сәяхәтләргә бардылар.  

 Алда каникуллар.Исән-сау ял итеп, көч җыеп яңа уку елында балаларыбызны көтеп калабыз." Хуш, лагерь! Күңелле ял иттек синдә" дип өйләргә таралыштылар.

22 июнь"Хәтер һәм кайгы" көне. "Күбәләкләр "лагерына йөрүче  балалар "Хэтер шәме" акциясенә кушылдылар. Актлар залында "Безнең хәтердә, безнең онытырга хакыбыз юк"дип исемләнгән патриотик сәгать үткәрелде. Мәктәп музеенда, дан аллеясында булдылар.

Бүген лагерның егерменче көне.  Кояшлы көн безне иртәдән үзенең җылы нурлары белән иркәли. Бүгенге көнебез "Зирәкләр, тапкырлар" исеме астында төрле мавыктыргыч уеннар белән үрелеп барды. Иртәнге зарядка,тәмле боткалар белән сыйлангач,"Юл һәм без" проектын игътибар белән карап,сорауларга җаваплар таптык.Командаларга бүленеп  "Юл  иминлеге кагыйдәләре" иленә сәяхәт итеп, тукталышларда төрле биремнәр үтәдек. Сәяхәтебез күңелле һәм файдалы узды.

--