Җәйге лагерь - укучыларның күңелле ял итү вакыты. Аны дөрес һәм файдалы итеп оештыру өчен укытучылар бар тырышлыкларын куеп эшлиләр.  Укучылар өчен "Әкиятләр илендә күңелле стартлар" дигән чара үткәрелде. Аның максаты балаларның әкиятләр белән кызыксынуларын арттыру, шәхси гигиена таләпләрен искә төшерү, спорт - сәламәтлек нигезе булуын аңлату иде. Бәйге барышында әкиятләрнең эчтәлеге искә төшерелде, табышмакларга җаваплар табылды һәм балалар әкият персонажлары булып көч сынаштылар. Бәйге балаларга бик ошады.

Саф һавада "Җитезрәк, көчлерәк, биегрәк " дип исемләнгән спорт уеннары булды. Балалар төрле спорт төрләрендә үзләренең көчләрен сынадылар. Уен бик матур һәм күтәренке кәеф белән үрелеп барды. Уен ахырында җиңүче командаларга мактау грамоталары һәм истәлекле бүләкләр бирелде. Укучыларга велосипед белән йөрү, су буенда үз-үзеңне тоту кагыйдәләрен тагы бер кат искә төшерделәр. Балалар үзләре теләгән сорауларга җаваплар алдылар.

Сегодня учащиеся 9 - го класса сдают ОГЭ по математике. Желаем им удачи.

Сегодня учащиеся 9 - го класса сдавали ОГЭ по информатике. Желаем им удачи.

"Дуслык" мәктәп яны лагерының бугенге көне дә кызыклы чараларга бай булды. Саф һавадагы иртәнге зарядка, “Тешләрне ничек саклау” турында әнгәмәдә һәм рәсем конкурсында  укучылар бик теләп катнашты. Елга буйларына, табигатькә экскурсия, Белмәмешнең кунакка килүе балаларда кызыксыну уятты.

Лагерьның икенче көне зарядкадан башланды. Тәмле иртәнге аштан соң, тәрбиячеләр “Наркотиксыз яшәү” акциясе уңаеннан балалар белән “Гомереңне сакла” дигән тема буенча әңгәмә уздырдылар һәм шул темага карата фильм карадылар. Соңрак балалар өчен  төрле кызыклы уеннар оештырылды.. Шулай итеп, лагерьның икенче көне дә кызыклы, файдалы үтте.

1 нче июнь көнне “ Дуслык” мәктәп яны лагеры эшен башлап җибәрде. Лагерьга балалар бик теләп, шатланып килделәр. Лагерьның нәкъ менә бүген башлануы юкка гына түгел.Чөнки җәйнең беренче көне – балачак иленең иң матур бәйрәме “ Халыкара балаларны яклау” көне.