Укучыларның дәрестән тыш вакытларын, каникулларын хәвеф-хәтәрсез уздыру – укытучыларның һәм ата-аналарның бурычы. Бүгенге алга киткән җәмгыять шартларында гаилә, мәктәп, хокук саклау органнары бердәм булса гына балаларыбызны ялгышулардан саклап кала алабыз. Мәктәп укучыларын җәйге каникулларга җибәрер алдыннан, тормыш куркынычсызлыгы кагыйдәләрен өйрәнү буенча класс сәгатьләре уздырылды. Анда пожар куркынычсызлыгы, юлда йөрү кагыйдәләре, өйдә үзең генә булганда, чит кешеләр белән очрашканда үзеңне ничек тотарга кирәклеге турында аңлатылды.

Бүген 5 сыйныф укучылары В.П.Энгальгард исемендәге астрономик обсерваториягә барып кайттылар.

Бүген  мәктәптә педсовет утырылышы булып узды. Анда "Соңгы кыңгырау",  икенче сыйныфка күчерү турында сәйләшү алып барылды.

20 нче майда мәктәптә уку буенча артта калучы һәм хокук бозучы укучылары профилактика Советына чакырдылар. Анда мәктәпнең администрациясе,  педагогик составы, ата – аналар  һәм мәктәп инспекторы катнашты. Советта күтәрелгән мәсьәләләр бик озак каралды, чөнки мәктәпнең  балаларга ярдәм итәргә теләкләре зур. Һәм балаларга җәй көне дә тәртипне бозмаска дип кисәтү ясалды.

20 нче май көнне мәктәбебезнең 1 сыйныф укучыларын Татарстан Варислар берлегенең карлыгачлар сафына кабул итү тантанасы булып үтте. Укучылар карлыгач законнарын төгәл үтәргә, тырышып укырга, эшләргә, өлкәннәрне хөрмәт итәргә тантаналы төстә ант иттеләр. 

19 май көнне Арча шәһәренең  Үзәк стадионда бик зур спорт чарасы узды. Балалар бакчасының өлкән һәм әзерлек төркемнәренең  тәрбияләнүчеләре ГТО нормаларын тапшырдылар.  Безнең балалар да бу чарада актив катнаштылар һәм яхшы нәтиҗәләр күрсәттеләр.

 Бүген безнең ике укучыбыз район күләмендә уздырылган  асфальтта рәсем конкурсында катнаштылар.  Һәм Мөхаммадеева Мәдинә “Татарстан Республикасында   елга су саклау зоналары”  номинациясендә 1 урын, Мөхәммәтҗанова Исламия “Юл йөрү кагыйдәләрен бел” номинациясендә 3 урын яуладылар. 

   Быел безнең мәктәптә барлык балалар да  ике көндәлеккә ия булдылар – аларның берсе уку фәннәре буенча төп көндәлек булса, икенчесе “Сыйныф укучысының мәдәни көндәлеге” иде.    Уку елы дәвамында көндәлектәге мәгълүмат ярдәмендә укучылар Татарстанның мәдәни объектлары белән таныштылар, мәдәният учакларына барып кайткач, хатирәләрен, хис-кичерешләрен көндәлеккә яздылар.