Татар телен саклау һәм үстерү мәсьәләләре комиссиясе тәкъдиме  белән районыбыз гомуми белем бирү оешмаларының туган тел кабинетларына якташ әдипләр, сәнгать яисә мәдәният өлкәсендә танылган вәкилләр исеме бирү мөмкинлеге булдырылды. Шул уңайдан безнең мәктәпнең татар теле кабинетына якташыбыз, тарих фәннәре кандидаты,Татарстанның  атказанган мәдәният хезмәткәре ,фән һәм техника өлкәсендә дәүләт премиясе лауреаты, Татарстан Республикасы Министрлар Кабинетының Баш архив идарәсе начальнигы, “Гасырлар авазы”журналының төп мөһәррире  булып эшләгән Данил Исмәгыйль улы Ибраһимов исеме бирелде.