6-11 нче декабрь мәктәптә  "Математика, физика, информатика атналыгы" дип игълан ителде. Атналык тулы көчкә үз эшен башлап җибәрде. Бүген 7-9 класс укучылары арасында физика фәненә багышланган  "Могҗизалар  кыры "  уены үткәрелде. Уенда җиңүче булып 8 класс укучысы Сибгатуллин Адель табылды. Барлык укучыларны да атналыкта уздырылган чараларда актив катнашырга чакырып калабыз. 

3- декабрь-"Билгесез солдат көне".

Һәйкәл тора. Имеш, сөйлиләр,

Бу -билгесез солдат һәйкәле.

Билгесезме шушы бакыр кеше?

Билгесезме,хәтер, әйт әле?!

Сугыш чоры батырларының каһарманлыгы мәңге онытылмасын! Киләчәктә  беребезгә дә сугыш афәтен күрергә язмасын!

1нче декабрь -  Бөтендөнья сәламәтлек оешмасы игълан иткән Бөтендөнья СПИДка каршы көрәш көне. Бу  көн - ВИЧ  - инфекциясе таралуын һәм ВИЧ - инфекция эпидемиясенең афәтле нәтиҗәләрен  киметү өчен, авыру  турында кешелекнең хәбәрдар булырга тиешлеген  искәртү көне булып тора. Бу дата ел саен бөтендөнья җәмәгатьчелеген  ВИЧ - инфекциясе турында онытмыйча, бу авыруны йөртүчеләргә карата сабыр булырга чакыра. Шушы уңайдан классларда тәрбия сәгатьләре үткәрелде.

Шушмабаш урта мәктәбендә теннис һәм бадминтон буенча оештырылган зона профсоюз ярышларында безнең  башлангыч профсоюз оешмасы актив катнашты. Физик тәрбия укытучысы Ситдиков А.Г. теннис буенча 2 урын, инглиз теле укытучысы Гарипова Л.Н. теннис буенча 2 урын яуладылар. Котлыйбыз, киләчәктә дә зур җиңүләргә ирешүегезне телибез!

Бүген 3 нче класста  "Сыйфат" темасына билингваль ачык дәрес күрсәтелде.

В рамках недели русского языка и литературы сегодня среди учеников 5-6 классов была проведена игра "Поле чудес".

В рамках недели русского языка и литературы сегодня прошел школьный конкурс чтецов "В слове сила".

Мәктәбебездә  план буенча  укучылар арасында алкоголь, наркомания кебек куркыныч социаль күренешләрне  булдырмау максатында системалы эш алып барыла.8 нче класста шул максаттан, " Наркомания, алкоголь - кешелек  дошманнары" темасы астында класс сәгате  үткәрелде. Укучылар белән зарарлы гадәтләр, аларның организмга нинди зыян китерүе, аларны ничек кисәтергә кирәклеге, кешенең зарарлы гадәтләргә ничек ияләнүе турында сөйләшенде. Яман гадәтләр бәхетсезлеккә китерә, бәхетле, сәламәт булып яшәргә омтылыйк.

Әниләр көне якынлаша... Башлангыч сыйныф укучылары бүген әниләренә бүләк ясадылар. Бик матур килеп чыкты бүләк открыткалар. Кадерле әниләребез сөенсеннәр әле...