Бүген , көн кояшлы һәм матур булды.  Лагерьда бүген " Нептун көне" үтте. Укучылар рәхәтләнеп ял итте һәм күңел ачты. Көннең икенче өлешендә су кызлары турында әкият карадылар.

12 июнь- Россия көне. Шул уңайдан бүген " Балалар туган илне ясый" дигән рәсем көнкурсы оештырдык. Төштән соң фотосессия оештырдык. Көн күңелле узды.

Лагерьда бүген 11 нче көн. Бүген балалар  " Күңелле стартлар"  уенын уйнадылар. Һәр отряд үз көчен кызганмады.  Уенда дуслык җиңде. Төштән соң балалар яңа уеннар өйрәнделәр.

10 көн. Бүген лагерьда җәнлекләр көне булды. Отрядлар җәнлекләр турында кызыклы табышмаклар әйтештеләр. Джунгли турында презентация карадылар. Аннары "Джунгли чакыра" уенын уйнадылар. 

Лагерьның 9 көне. Бүгенге көн болында табигать кочагында үтте. Велосипедларга утырып болынга юл тоттык. Балалар рәхәтләнеп ял итеп , уйнап, көч туплап кайттылар.

Лагерьның 8 көне.Бүген без әкияттә кунакта булдык. Һәр отряд  үзе сайлап бер әкият сәхнәләштерде.Укучыларга бүгенге көн бик ошады. Көннең икенче өлешендә  укучылар  түгәрәктә шөгыльләнде.Модульле оригами ысулы белән сувенирлар ясый башладылар.

7 көн. Бүген укучылар үзләрен зирәклектә  һәм тапкырлыкта сынадылар.Ахырда дуслык җиңде. 

Лагерьның 6 көне. Бүген мода көне. Укучылар үзләренең иҗади сәләтләрен эшкә җиктеләр. Берсеннән- берсе матур итеп мода күрсәттеләр. Көннең икенче яртысында серле карта буенча отрядлар "Хәзинә" эзләде. 

Лагерьның 5 көне. Бүген патриотизм көне үткәрдек.  Отрядлар  смотр җыр конкурсында үзләренең  осталыкларын күрсәттеләр.Аннары Туган ил турында презентация карадылар.Көннең икенче өлешендә "Хәзинә " көненә серле карталар төзеделәр.

Бүген "Акчарлак" ял лагерының 4 көне. "Парклар елы" уңаеннан  отрядлар арасында асфальтка туган як паркларын ясау буенча рәсем конкурсы үткәрелде. 2 отряд та бу конкурска бик җитди карадылар һәм  бик матур рәсемнәр яссадылар. Көннең икенче өлеше  Гиннес рекордлары көне белән дәвам итте. Укучылар яшел келәмгә ятып төрле фигуралар ясадылар.