Яңа  2015-2016   нчы   уку   елы  башланып  китте.  1  сентябрь  иртәсендә   мәктәп-бакчабыз   коллективы,   укучыларыбыз,  нәниләребез    көтеп  алган   Белем   бәйрәменә  җыйналды.  Тантана   Тукай  әкиятләрен   сәхнәләштерү,   җырларын  башкару   белән  башланып  китте.  1  класс   укучыларының    пар  атларга  утырып   килүе  дә  бик  күңелле   килеп  чыкты.   Аларны  мәктәп  дирекциясе,  әти-әниләре  котлады,   бүләкләр  тапшырдылар.   Хәерле  сәгатьтә,   кадерле  укучыларыбыз,  хөрмәтле  коллектив!  Яңа  уку   елы  котлы  булсын! 

Бүген  Арча  шәһәре  стадионында   укытучылар  сабан  туе  оештырылды.  Анда  безнең  мәктәп-балалар  бакчасыннан   алып  барылган    Шүрәле   һәм   аты  белән  Былтыр   Тукай  мәйданчыгында  урын    алдылар.  Кемнәр  генә  сокланып   үтмәде  аларга,    кемнәр  генә  янәшә  басып     фотога   төшмәде?   Ул  гына  да  түгел,   сабан  туе   ахырында   Шүрәле   белән  Былтыр  өчен  мәктәп-бакчабызга   "Тукай  мирасын  саклауда  актив  катнашкан  өчен"   дигән  диплом   тапшырылды.  Ә    педагог-оештыручыбыз  Рания   Галәветдинова    "Сәнгатьле   сөйләү"    номинациясендә  II  урынга   лаек  булды.   

Мәктәп  яны   тәҗрибә   участогында    яшелчә,   җиләк-җимешләр  өлгереп  килә,   декоратив   бүлектә    чәчәкләр  ямь  тарата. 

31  июль   көнне   мәктәп-бакчабызда    кабул  итү  комиссиясе   булып   китте.   Комиссия  членнары  мәктәп-бакчаны,   тәҗрибә   участогын,    чәчәклекне,   уен   һәм  спорт   мәйданчыкларын  карадылар,   Тукайның   130  еллыгы  уңаеннан   эшләнгән  банерга,  Шүрәлегә,   аты  белән    Былтырга  сокландылар.  

Бүген   балалар  бакчасы  нәниләре  табигать   кочагына  сәяхәткә   бардылар.  Анда   рәхәтләнеп  уеннар  уйнадылар,  тәмле  ризыкларын   ашадылар,   матурлыкка   сокландылар.   Нәниләр   сәяхәтне   бик  ошатканнар.

27  май  көнне   мәктәп-бакча   коллективы,   укучылар,  бакча  балалары    авылыбызның   үзәк   урамында   ярминкә   оештырдык.  Ярминкә   искиткеч   күңелле,  матур,  файдалы   булды.  Чөнки    анда  бик  күп  төрле  товарлар  тәкъдим  ителде,   концерт   куелды,   яңа  гына  пешкән  камыр    ризыклары,    пылау,   кайнар   чәй   табыны    кунакларны  үзенә  чакырып  торды.     Ярминкәне  оештыруда   ярдәм  иткән   әти-әниләргә,    укучыларга,   барлык  хезмәткәрләргә    зур  рәхмәт  белдерәбез!    Шулай  ук   Пешәнгер,  Мирҗәм,  Каргалы    авыллары  халкына,   әти-әниләргә    ярминкәгә    килеп  товарларны  сатып  алганнары  өчен  зур  рәхмәт!

26 май  көнне   мәктәп-бакчабызның  спорт  мәйданчыгында     балалар  һәм  укучылар   өчен   Сабантуй   гөрләде.  Бәйрәмдә    кул  көрәше,   йомырка  кабып  йөгерү,    капчык  киеп  йөгерү,   турникта  тартылу,  әйбер  кисү,    кыршау  әйләндерү,   су  ташу  һ.б.    буенча  ярышлар  үткәрелде.   Сабантуйга    авыл  халкы,   әти-әниләр   килеп,   көч  биреп,   алкышлап   утырдылар.   Бәйрәм  бик  күңеллле   узды,  Балалар    һәм  укучылар    яхшы   бүләкләр   алып,   күтәренке  күңел  белән    таралыштылар. 

25  май  көнне   укучыларыбыз  һәм    укытучылар   коллективы   табигать      кочагына    сәяхәткә  чыкты,   уеннар   уйнадылар,  ял  иттеләр,   тәмле  уха  пешереп  ашадылар.   Бу   вакыйга   матур  балачак  хатирәсе  булып  балалар  күңелендә  озак  сакланыр!

Бүген  мәктәбебезнең  иң өлкән  класс  укучылары    иң  беренче   ФГОС   классы   4  класслар  өчен  соңгы  кыңгырау    чыңлады.   "Соңгы  кыңгырау"   бәйрәменә   әти-әниләр,  авыл   халкы     килеп  укучыларны   котлады,  аларның   чыгышын   карадылар.    Укучыларыбызга   алдагы  укуларында  зур  уңышлар,  саулык-сәламәтлек,   әти-әни  тигезлеге  белән  үсүләрен    телибез!    Безнең   мәктәпне,   анда  узган   балачакларын   онытмаслар  дип  ышанабыз!

Мәктәп-балалар  бакчабызның    тәҗрибә  участогында   язгы   эшләр   гөрли.  Кишер,  чөгендерләр  чәчелде,   суган,  сарымсак   утыртылды,  помидор,  борыч,   кыярлар  күчерелде.   Алмагачлар,  чия,   сливалар    шау  чәчәкккә   күмелде.   Ә   декоратив  бүлектә   күпьеллык   чәчәкләр  чәчәк  аттылар.  Кыскасы,  бар  коллективның,   укучыларның    уртак   тырыш  хезмәте   салынган   бакчабыз    көннән-көн   ямьләнә,  күзләрне  иркәли!