Икенче кечкенәләр төркемендә әниләр көненә карата

“Әнием минем, кадерлем!”дигән темага бик матур кичә булып узды(7 нче номерлы төркем, тәрбиячеләр-Хәнәфиева Чулпан Мөхәммәт кызы, Миңнебаева Гелүсә Миңнегали кызы).

      Бөтен кешелек дөньясына  ямь бирүче, елмаюы белән иркәләүче, җылы карашлары белән назлаучы әниләребез... Алар тыйнак та, сөйкемле дә, эшчән дә, түзем дә, өйләребезнең яме, ашларыбызның тәме. Дөнья йөген күтәрәләр, гаилә учагын сүндермичә  дөрләтеп торалар.Кичә дәверендә балалар әниләренә җыр,шигырь багышладылар,ә әниләр үз балаларын әйбәт беләләр микән дигән сынауны дәвам иттеләр,күзләрен бәйләп, үз йөрәк җимешләрен табып карадылар. Әниләр төрле яктан сыналды.Сорау – табышмакларга җавап бирделәр, “Шалкан” әкиятен уйнап күрсәттеләр.

Кем дөньяга кеше бүләк иткән?

Ә кешегә якты дөньяны?

Тойгылары кеше кебек кайнар,

Эретерлек гранит кыяны.

Кем куллары өйне, җирне ямьли,

Изгелеге үлчәү тапкырсыз.

Ул әлбәттә яшәү чыганагы,

Тормыш яме – әнкәй, әбкәй, хатын – кыз!