26 март конне бакчабызда язгы бәйрәм-Нәүрүз булып узды. Элек – электән борынгы заманда ук Нәүрүз- өмет бәйрәме итеп билгеләнеп үтелгән. Балалар ин башта бәйрәмнең тарихы белән таныштылар. Бу бәйрәмне безгә борынгы бабаларыбыз биреп калдырган. Урта Идел буенда яшәгән татар халкы кышлар үтеп, табигать  яңара башлагач,көннең төн белән тигезләшкән бер мәлендә “Нәүрүз” бәйрәмен билгеләп үткәннәр.Таң ату белән үчак кабызганнар. Шул чакта итле аш яки ботка пешереп кешеләр бер-берсен сыйлаганнар. Учак әйләнәсендә балачагалар,кызлар, егетлэр әйләнгәннәр. Менә шушы шәрык бәйрәме безнең көннәрдә халык йоласы буларак яңартыла. Бу көнне халкыбыз уйный. Ярыша, куңел ача. Соңыннан кызыклы әкият кунаклары-ХуҗаНасретдин, Кыш Бабай һәм башкалар кунакка килделәр. Яз белән Кыш Бабай һәм балалар торле уеннар- аркан тарту,халык уеннары уйнадылар, көч сынаштылар,җыр-бию, шигырьләр яңгырады.