Безнең бакчада Муса Җәлилнең юбилеена багышланган  шигырь бәйрәме узды.Бәйрәмдә шигырь сөюче балалар бер-бер артлы каһарман-шагыйрьнең шигырьләрен татар телендә укыдылар. Бәйгедә  3-7  яшьтәге 31 шигырь сөюче көч сынашты. 5 кешедән торган жюри составы М.Җәлил шигырьләрен сәнгатьле итеп сөйләгән һәр балага да  балл куеп, аларның тырышлыгын бәяләде. Шуңа күрә җиңүчеләрне билгеләү дә бик җиңелдән булмады, чөнки һәр бала шигырьләрне ихлас башкарып, бөтен кешене таң калдырды.Билгеле, бу кичәдән өлкәннәр дә, балалар да бик канәгать калып, шигърият тылсымына күмелеп, илһамланып таралышты.