«Россия бөркетләре» (Орлята России) программасының «Орлёнок – Эрудит» юнәлеше кысаларында башлангыч сыйныф укучылары арасында белемне, зирәклекне һәм җитезлекне сынаучы кызыклы “Эрудиты” интеллектуаль уен үткәрелде. Чара укучыларның дөньяга карашын киңәйтүгә һәм логик фикерләвен үстерүгә юнәлтелде. Балалар командаларга бүленеп:
- Кызыклы интеллектуаль сорауларга җавап таптылар;
- Тапкырлык һәм җитезлек таләп иткән биремнәрне чиштеләр;
Ярыш бик күңелле, җанлы һәм дуслык атмосферасында үтте. Бәйге укучыларга яңа белемнәр алу белән бергә командада бердәм эшләргә дә өйрәтте. Барлык катнашучы «бөркетләргә» укуда яңа үрләр һәм уңышлар телибез!