Кешенең нинди хәлгә таруы аннан бәйле түгел, ләкин бу хәлдән ничек чыгуы аның үзеннән тора, - диләр. Бу чыннан да шулаймы? Без бүген укучылар белән «Начар гадәтләр һәм аларны профилактикалау» темасына фикер алыштык. Начар гадәт дигәч, күп кеше тәмәке тарту һәм аракы эчүне күз алдына китерә. Чынлыкта исә әлеге исемлек шактый озын: алкоголизм, наркомания, тәмәке тарту, уенга бәйлелек, телевизион - бәйлелек, интернет - бәйлелек, буыннарны шартлату, карандаш яки каләм тешләү гадәте һ. б.
Әгәр дә ниндидер бер начар гадәткә "әсирлеккә"эләккән булсагыз, аннан бөтен көчегезне куеп, котылырга тырышыгыз. Әгәр дә сез үзегезне җиңә алсагыз, сез-чын герой. Борынгы кытай акыл иясе әйткәнчә: "Башканы җиңә алучы - көчле, үз-үзен җиңүче - чыннан да кодрәткә ия".