Бүген Казан арты тарих - этнография музеенда "Моңлы сазым" Районара әдәби-музыкаль бәйге булып узды. Лицеебыздан шигырь сөйләүчеләр номинациясендә 3 А сыйныфы укучысы Хуснутдинова Зарина (җитәкчесе Зайнуллина В Т.), 6 А сыйныфы укучысы Шәмсетдинова Илвина (җитәкчесе Бариева Д.В.) чыгыш ясадылар. Укучыларыбызның чыгышларын жюри һәм тамашачылар яратып кабул итте. Г. Тукай иҗаты балаларның рәсемнәрендә дип исемләнгән номинациядә Миннебаева Заринаның рәсеме бик матур, үзенчәлекле итеп ясалган иде. Жюри һәр укучының чыгышын, рәсемен югары бәяләп рәхмәт хатлары тапшырды.
Безнең укучыларыбыз Г.Тукай иҗатын өйрәнәләр,әсәрләрен яраталар, шигырьләрен яттан беләләр. Шагыйребезнең бөек мирасын киләчәк буынга тапшыру ул һәркемнең изге бурычы.