Лагерьның беренче көне Халыкара балаларны яклау көненә багышланды. Ял итүче балалар өчен кызыклы уеннар оештырылды. 

31 май көнне 9 класс укучылары  математикадан имтихан тапшырдылар. Алдагы имтиханнарда да сынатмагыз, кадерле укучыларыбыз

Мәктәбебездә Халыкара балаларны яклау көне уңаеннан "Күңелле балачак"  исемле бәйрәм чарасы утте. 4 нче класс укучылары Варислар сафына кабул ителделәр. Станцияләр буенча йөреп укучылар спорт, төрле кызыклы уеннарда катнаштылар. Иң көчлеләр, иң җитезләр грамоталар белән бүләкләнделәр. 

26 май көнне  Мостафин А, Йосыпов Р, Йосыпова Кәдрияләр химиядән имтихан тапшырдылар. Алдагы имтиханнарда да сезгә уңышлар теләп калабыз.

Бүген бөтен ил буенча, барлык уку йортларында Соңгы кыңгырау бәйрәмнәре уза. Чыгарылыш сыйныф укучылары өчен дәрескә чакыручы кыңгырау
соңгы тапкыр чыңлый. Мәктәптә үткән балачагыгызның бүтән беркайчан да кире кайтмавын уйлагач, ямансу булып китә.Тормышта һәр нәрсәнең үз вакыты була. Сезнең дә язмышыгызда зур борылышлар чоры җитте. Яшьлекнең чын-чынлап башланган иң матур чагы да әле ул. Шуның кадерен белегез һәм алда көткән зур тормышны матур итеп башларга тырышыгыз! Канатлы теләкләрегез сезне һәрчак алга әйдәп торсын, тагын да кыюрак атларга чакырсын! Хәерле юл сезгә!

Мәктәбебез укучылары Татарстанга татар телен үзләштерергә килгән Кытай студентлары белән очраштылар. "Дуслык күпере" дип аталган чара кунаклар күңеленә бик хуш килде. Алар да үзләренең һөнәрләрен, татар телен бик яхшы белүләрен күрсәттеләр. Очрашу эчтәлекле һәм күңелле үтте. 

6 нчы класс укучылары 23 нче май көнне Яңа Кырлай авылына Г.Тукай музеена экскурсиягә бардылар.Укучыларны музей капкасыннан кәҗә белән сарык, урман эчендә шүрәле, су буенда су анасы каршы алды. Шулай ук укучылар Сәгъди абыйның төзекләндерелгән йортында да булдылар.Укучылар Г.Тукай турында яңадан-яңа мәгълүматләр туплап кайттылар.Балаларга экскурсия бик ошады.

19 нчы майда Пионериянең туган көне уңаеннан Арча Укучылар Сарае асфальтта рәсем ясау конкурсы үткәрде. Әлеге чарада мәктәбебезнең 7 нче класс укучысы Минҗанова Фирүзә катнашты һәм "Г. Тукайның тууына 130 ел" номинациясендә 2 нче урынга лаек булды. Фирүзәне җиңүе белән котлыйбыз!

Нигматуллин Мансур Камбилович ведущий специалист исполнительного комитета Арского муниципального района,  провел профилактическую беседу с учениками нашей школы .

Бүген 5нче класс укучылары класс сәгатендә шикәр диабеты турында сөйләштеләр. Бу сырхау кандагы шикәрнең югары дәрәҗәдә булуы белән аерылып торучы хроник авыру. Укучылар кандагы шикәр күләмен тиешле нормада тотуның өч юлын карап үттеләр.Бу дөрес туклану, хәрәкәтчән һәм табиб кушкан препаратлардан файдалану. 
Туклануга килгәндә, күбрәк яшелчә, җиләк-җимеш ашарга, шикәрсез чәй эчәргә тәкъдим ителә. Макарон эшләнмәләрен, бәрәңге, сөт продукциясенең майсыз төрләрен, тавык, балык ише ризыкны чама белән ашарга, майлы ит, майонез, каймак, колбаса, ак ипи, шикәр, бал, кайнатмалардан, баллы су эчүдән бөтенләй баш тартырга яки бик сирәк кенә кулланырга кирәклеген өйрәнделәр.