Кышкы каникуллар тәмамланды.Бүген 3 чирекнең беренче уку көне.3 чирек -иң озын чирек.Барлык укытучыларга, укучыларга уңышлар телибез.

Каникуллар бетәргә аз гына вакыт калды.6Б класс укучылары соңгы көнне дә күңелле итеп,чана шуып уздырдылар.

Сөрде башлангыч мәктәбе укучылары каникулда күңелле итеп чана шуалар.
Кыш килде, салкын урамда.
Ә без куркып тормыйбыз.
Чана-чаңгыларны алып, 
Таудан шуып уйныйбыз.

Бүген Яңа Кенәр урта мәктәбендә“Чаңгы юлы чакыра!”  дигән исем астында чаңгыда шуу буенча ярыш уздырылды.Ярышта Яңа Кенәр мәктәбенең укытучылары һәм укучылары катнашты.Буран уйнап торган салкын көн булуга карамастан барлык катнашучылар да  бик теләп чаңгыда шудылар.

Географиядән авыр үзләүче 9Б класс укучылары өчен консультация уздырылды.

Сөрде башлангыч мәктәбендә  математиканы авыр үзләүче укучылар белән өстәмә эш үткәрелде.

4 гыйнвар көнне Түбән Оры башлангыч мәктәбендә  белемнәрне авыр  үзләштерүче укучы белән эш оештырылды. Татар теленнән диктант язу күнекмәләре булдыру өстендә эш алып барылды.

3 гыйнвар көне Түбән Оры мәдәният йорты белән берлектә "Кышкы сабантуй" уеннары оештырылды. Кышкы уеннарда Түбән Оры  һәм Кзыл-Яр  башлангыч мәктәпләре, балалар бакчасы житәкчеләре һәм балалары бик актив катнашты. Кышкы уеннар һәркемнең күңеленә хуш килде. Халыкны кайнар чәй һәм мичтә пешкән коймак белән сыйладылар. Кунаклар да күп иде. Саф һавада бар халык күңелле ял итте.

Кышкы каникулларны күңелле итеп уздырабыз.Мәктәптә төрле түгәрәкләр эшли,укучылар чана,чаңгы шуалар.Бүген 10 класс укучылары чана шудылар.