Татар теле һәм әдәбияты укытучысы Шакирова Рания Җәүдәт кызы 8 б   сыйныф укучылары белән “Ялгызлык һәм уртактык исемнәре” темасына ачык дәрес уздырды. Дәрес  укучылар белән исәнләшү, хәлләрен сорашудан башлады һәм  уңай психологик халәт тудырылды. Шигырь ярдәмендә балалар өйрәнәчәк  теманы ачыкладылар.

Бүгенге балалар инновацион технологияләр белән бик иртә таныша. Шуңа да хәзерге педагоглар үсмерләрне үз фәне белән кызыксындыру, аларның игътибарын җәлеп итү өчен төрле иновацион технологияләрне дәрестә кулланалар.Шуны истә тотып, дәрестә укычыларга биремнәр learningapps платформасы [learningapps, интернет-ресурс] инструментлары ярдәмендә бирелде. Шулай ук дәрес барышында Quizizz.com платформасында балалар телефоннары ярдәмендә онлайн викторинада катнаштылар.  Балалар әлеге биремнәрне бик теләп, зур кызыксыну белән башкардылар.

Татар теленә өйрәткәндә кулланыла торган иновацион технологияләр телне  өйрәнүгә кызыксыну көчәйтә, дәреснең сыйфатын яхшырта,белем бирүне индивидуальләштерә, укучының фикер сәләтен үстерә.Әлеге инновацион алымнарны кулланып үткәрелгән дәресләр сыйфатлы белемгә нигез булып тора.