10 нчы октябрьдә безнең мәктәптә дәресләр  «Мөһим сөйләшү» дәресеннән башланды. Төп темалар хәзерге Россиядә кеше тормышының төп аспектлары белән бәйле. Бүген мәктәпнең 1-9 нчы классларында класс җитәкчеләре беренче дәресне уздырды. Бүгенге дәрес : “Әтиләр көне”

Өлкәннәр декадасы кысаларында безнең мәктәп укучылары өлкәннәрне бәйрәм белән котлап, үз куллары белән бүләк ясадылар,хуҗалык эшләрендә булыштылар.

Укучыларга белем һәм тәрбия бирүдә армый-талмый хезмәт куючы хөрмәтле мәгариф хезмәткәрләрен һөнәри бәйрәмнәре белән котлыйбыз. Тормышыгызда һәм эшегездә сәламәтлек һәм уңышлар юлдаш булсын!

Хөрмәтле өлкәннәребез!

Халыкара өлкәннәр көне уңаеннан сезгә иң җылы, ихлас котлауларыбызны җиткерәбез. Без сезне, хезмәтегезне ихтирам итәбез, рәхмәтләребезне белдерәбез. Һәммәгезгә дә нык сәламәтлек, иминлек, озын гомер, күңел тынычлыгы, якын кешеләрегезнең мәхәббәтен, игътибарын һәм хөрмәтен тоеп, озак яшәвегезне телибез. Бәйрәм белән!

Йөрәкләрдән чыккан назлы сүзләр,
Күңелләрдә булган саф хисләр,
Озын гомер, якты, тыныч тормыш –
Безнең сезгә әйтер теләкләр.
 

26 нчы сентябрьдә мәктәптә "Өлкәннәр көне" темасы буенча "Мөһим сөйләшү" дәрестән тыш эшчәнлек дәресләре үтте. Дәресләр барышында балалар төркемнәрдә эшләделәр һәм интерактив биремдә катнаштылар. Бу дәресләрнең максаты: өлкән буын кешеләренә хөрмәт тәрбияләү,  шәхеснең әхлакый сыйфатларын (игелек, шәфкатьлелек, мәрхәмәтлелек, ярдәмгә килергә әзерлек) тәрбияләү, гаиләдә буыннар дәвамчанлыгын үстерүгә ярдәм итү.

20 март көнне безнең мәктәптә "Cинең иминлегең -үз кулыңда"дип исемләнгән профилактик класс сәгатьләре узды. Укытучылар балалар белән янгын куркынычсызлыгы, электр куркынычсызлыгы, юлларда һәм су объектларында куркынычсызлык кагыйдәләрен тагын бер кат искә төшерделәр. Профилактик әңгәмәләр вакытында террорчылыкка каршы куркынычсызлык аерым игътибар бирелә, чөнки террорчылык куркынычы килеп чыкса, балалар булган вакыйгаларга дөрес җавап бирә белергә һәм дөрес карарлар кабул итә белергә тиеш.

Бүген "Мөһим сөйләшү" (Разговор о важном) дәресендә  Константин Эдуардович Циолковский турында әңгәмә уздырдык, мәгълүмати ролик карадык. Кешеләрнең фән өчен эшләгән батырлыклары турында фикер алыштык. Мондый чаралар балаларга үзләрен борчыган сорауларга җавап табарга мөмкинлек бирә. Арча районында  "Җиһангирлар марафоны" башланып китте. Укучыларны әлеге марафонның этаплары белән таныштырдык.
   К.Э.Циолковский - рус галиме, космонавтиканы өйрәнүгә зур өлеш керткән кеше, философ,  укытучы. Ул 1857 нче елның 17 сентябрендә Рязань губернасының Ижевск авылында туган. 10 яшендә скарлатина авыруы белән авырый. Шунлыктан начар ишетә. Аны мәктәпкә алмыйлар. Үзлегеннән өйдә укыган.13 яшендә әнисе үлеп китә. Күп вакытын китаплар укып уздыра. Математика һәм физика белән кызыксына башлый. Циолковский космос буенча 400 дән артык фәнни эш яза. 
   Укучылар әлеге чарада үзләре өчен бик күп яңалыклар белделәр.

Уважаемые родители и законные представители будущих первоклассников! Приемная кампания по зачислению в первый класс на 2022/2023 учебный год стартует   1 апреля 2022 года.