24 сентябрь - Татарстан  Республикасында Профсоюзлар көне буларак билгелеп үтелә. Шул уңайдан  югары  сыйныф  укучылары белән әңгәмәләр һәм  "Профсоюз  дәресе"  үткәрелде. Әлеге  дәрес  профсоюз  тормышын  чагылдырган  презентация  белән  башланып китте.

Сегодня  прошел  Всероссийский  Интернет- урок по теме  "Профилактика  наркомании в образовательной  среде".

Алдагы елларда  үткәрелгәнчә шигырь дөньясына сәяхәт яңа уку елында да дәвам ителә. Бүген 1 класс  укучылары "Без  бит- Арча яклары" китабына кертелгән шигырьләрне укуны дәвам иттеләр. М.Файзуллина, С.Әхмәтҗанова, М.Кашапов шигырьләрен сөйләделәр. Г.Бакиров  сүзләренә язылган "Әбием-әбекәем" җыры башкарылды. Әсәрләр  аркылы дөньяны танып белергә, игелек кылырга, матурлыкны күрә белергә, туган илебезне  яратырга   кирәклеккә басым ясалды.

23 нче сентябрь көнне  спортзал гөрләп торды. 5-9 класслар арасында парлы бадминтон ярышы узды. Җиңүче парлар билгеләнде.

Тимер юл транспорты  объектларында балалар  травматизмын  кисәтү максатыннан  21 нче сентябрь  көнне 1-4 классларда "Тимер юлларда сак йөрик!", 5-9 классларда "Тимер  юл-иң куркыныч зона" темалары  буенча  класс сәгатьләре узды. 

19 сентябрь көнне Хәсәншәех  төп гомуми белем мәктәбендә ата-аналар  җыелышы узды. Җыелышта  авылыбыз  фельдшеры Закирова Рәмзия  Мансуровна,  полициянең өлкән  участок вәкаләтлесе Хисамиев Ленар  Альтафович катнашты.

Кичә,16 нчы сентябрь көнне, Җиңү паркында яшь  армиячеләр  парады  булды. Яшь  армиячеләр һәр яктан үрнәк  булырга, киләчәк  солдат  тормышына, чын ил  сакчылары  булырга  әзерләнергә, үзләрен  физик  яктан  ныгытырга, сугышта  башларын  салган  геройлар  истәлеген  сакларга, илебезнең лаеклы  гражданнары  булырга  ант  бирделәр.

Полиция өлкән участок вәкиле полиция майоры Хисамиев Ленар Альтафович 1 нче сыйныф укучылары белән очрашып, юлда дөрес йөрү кагыйдәләрен аңлатты. "Әдәпле, тәртипле, юл  кагыйдәләрен  төгәл үтәүчеләр булырсыз дип ышанып калам, "- дигән сүзләр белән чыгышын йомгаклап,  ул укучыларга истәлекле бүләкләр тапшырды.