Бүген математика укытучысы Агзамов А.З. 6 нчы класста математикадан "Турыдагы координаталар" темасы буенча ата-аналар каршында ачык дәрес үткәрде.

Озынайтылган көн группасы укучылары саф һавада уйнап кына калмыйлар, алар кошларга җимнәр салалар.Кышкы салкыннарда безнең җимлекләребез канатлы дусларыбызга зур ярдәм булып тора.

Бүген 1-3 нче сыйныфта Гатауллина Гөлия Фиргатовна язудан "Баш В һәм юл в хәрефе" темасына һәм татар теленнән "Сыйфат темасын кабатлау" темасына ачык дәрес бирде. Дәрескә 1,3 сыйныф әти-әниләре дә чакырылды.

2 нче сыйныфта Асхадуллина Гөлнара Җәүдәтовна татар теленнән "Эш хәрәкәтне белдергән сүзләр" темасына әти-әниләргә  ачык дәрес күрсәтте.Укытучы дәресне сингапур методикасы буенча алып барды. Дәрес кызыклы һәм эшлекле формада үтте. 

4 нче сыйныф җитәкчесе Рамазанова Фәүзия Рафиловна математикадан "Тулы булмаган өлеш язылышында цифрлар саны" темасына  әти-әниләргә ачык дәрес күрсәтте.Укучылар  таблицалы тапкырлау һәм бүлү очракларын кабатладылар, берурынлы санга баганалап бүлүне ныгыттылар һәм зирәклеккә мәсьәләләр чиштеләр.

Бүген 1-5 нче сыйныфларда ата-аналар җыелышы үткәрелде.Әти-әниләргә 1 сыйныфта язудан, 2 нче, 3 нче сыйныфларда татар теленнән, 4, 5 нче  сыйныфларда математикадан ачык дәресләр күрсәтелде.Класс җитәкчеләре әти-әниләрне 2 нче чирек нәтиҗәләре белән таныштырдылар һәм "Белем алуда балаларга ничек ярдәм итәргә?" дигән темага чыгыш ясадылар.

Бүген 9 нчы сыйныф укучылары дәресләрдән соң мәдәният йорты каршында урнашкан Бөек Ватан сугышында һәлак булган авылдашларыбызга куелган һәйкәл янын кардан чистарттылар.

Озынайтылган көн группасы укучылары дәрес әзерләр алдыннан көн саен саф һавага чыгып хәрәкәтле уеннар уйнап керәләр.Саф һавадан соң дәресләрне әзерләве дә җиңелрәк,сәламәтлеккә дә файдалы.

6 нчы класс җитәкчесе Габдрахманова Луиза Мингазовна "Терроризмга каршы бердәм көрәшик" темасына тәрбия сәгате үткәре.Күп кенә террор очраклары,мәгънәсез кан коюлар турында сөйләнелде.Укучыларда терроризмга каршы нәфрәт хисе тәрбияләнде.

Укучыларыбыз ялгыз яшәүче әби-бабайларыбызга ярдәм эшен дәвам итә.Кичә булган бураннардан соң Әминә апаның ишек алларын,капка төпләрен зур-зур кар өемнәре баскан. Укучылар күз ачып йомганчы әбинең ишек алларын чистартып та куйдылар Әминә апа бик зур рәхмәтләр әйтеп калды.