С 3 по 6 июня в г.Казани  проходила Международная олимпиада по русскому языку для учащихся школ с родным (нерусским) языком обучения. Наша ученица Авхадиева Залифа Анисовна  стала призером среди учащихся 8 класса.

              Бүген  лагерь  тормышы  тагын  да  җанланды.  Балалар  А.С.Пушкин  иҗаты  буйлап  сәяхәт  иттеләр.  Алар  "Сказка  о  мертвой  царевне  и  о  семи  богатырях"  әкиятен карадылар.  Пушкин  әкиятләренә  рәсемнәр  ясадылар.  Бүгенге  көн  бик  файдалы  һәм  эшлекле  үтте.

         Лагерьның  бишенче  көнендә  балалар  "Тапкырлар  һәм  зирәкләр"  конкурсында  катнаштылар.  Алар  үзләренең  ел  буе алган  белемнәрен  күрсәттеләр.  Конкурс укучыларга  бик  ошады.

Бүген лагерьда "Туфракның үсемлекләр үсешенә йогынтысы" дигән әңгәмә уздырылды. Балалар "Табигатьне сакла" дигән темага рәсемнәр ясадылар. Экологик белемнәрен ныгыттылар.

         Лагерьның өченче көнендә авылның Зиреклек чишмәсенә экскурсия оештырылды. Балалар чишмә янында уйнадылар, чишмә янын чистарттылар.

             Икенче көн күңелле лагерь тормышы дәвам итә.  Бүген  укучылар  туган  ягыбызның  файдалы  казылмалары  белән  таныштылар. Файдалы  казылмалар   турында  презентация  карадылар. Саф  һавада  хәрәкәтле  уеннар  уйнап  сәламәтлекләрен  ныгыттылар.

       Казанбаш төп мәктәбендә балаларның җәйге ялын кызыклы һәм файдалы итеп оештыруга зур әһәмият бирелә. 1 нче июньнән 21 нче июньгә кадәр мәктәптә 20 балага исәпләнгән көндезге лагерь эшләячәк.Халыкара балаларны яклау көнендә лагерь оешкан төстә үзенең эшен башлап җибәрде.Лагерь балаларны кабул итүгә тулысынча әзер, анда таләп ителгән гигиена шартлары булдырылган, балалар белән эшләячәк кадрлар әзер. Лагерьда балаларның сәламәтлеген саклауга зур игътибар бирелә.

       Һәр көн иртән фельдшер Нәҗмиева З.Д. балаларның сәламәтлеген тикшерә. Беренче медицина ярдәме күрсәтү өчен бар нәрсә әзер. Беренче көнне "Дуслык" лагере 2 командага бүленеп,  командалар үзенә исем, девиз, җыр сайладылар. "Кояшкай" һәм "Күбәләк" командаларында унышар бала. Педагог-организатор Габдрахманова Л.М. "Дуслык" лагерен тантаналы төстә ачып җибәрде. Командирлар Гимн музыкасы астында Татарстан флагын күтәрделәр. Тәрбиячеләр Әсхәдуллина Г.Җ., Рамазанова Ф.Р. һәм спорт буенча җаваплы Мәрдәнов Р.Р. командалар арасында  эстафета ярышы үткәрделәр. Команда членнары үзләренең җитезлекләрен күрсәттеләр.

       Төшке аштан соң  Халыкара балаларны яклау көне уңаеннан рәсем конкурсы оештырылды. 1 нче урынга 2 нче класс укучысы Мөхәмәтханова Алинә лаек булып, Диплом белән бүләкләнде.

      Лагерьда педагоглар балаларны физкультура белән шөгыльләнүгә җәлеп итәчәкләр, төрле кызыклы уеннар оештырылачак. Балаларны туган ягыбызның тарихи урыннарына экскурсияләргә алып бару планлаштырыла. Экскурсияләр туган ягыбызны, аның тарихын өйрәнүгә кызыксыну уятырга ярдәм итәчәк. Җәй хәвеф-хәтәрсез үтсен, ул балаларга бары шатлык китерсен.

31 нче май көнне мәктәптә “Балалар иминлеге – беренче чиратта” дигән темага класс җыелышлары узды. Класс җитәкчеләре уку елын тәмамлау, нәтиҗәләр, планнар, җәйге  каникулда балаларның ялын файдалы һәм күңелле оештыру, аларның һәрдаим иминлеген кайгырту турында сөйләде, җәйге ял вакытында куркынычсызлык кагыйдәләре буенча инструктаж үткәрелде.   Мәктәпкә тулы энергия белән килсеннәр. Яхшы яллар сезгә, укучылар!

Башлангыч сыйныф укучылары табигать кочагында ял итәләр.

Бүген 4 нче класс укучыларын Татарстан Варислары сафына алу тантанасы булды. "Варислар” оешмасына балаларны кабул итеп, аларны дөреслек яклы, күп белүчән, көчле, җитез, ышанычлы дус, өлкәннәргә дә, кечкенәләргә дә булышучы, туган ягының табигатен һәм мәдәниятен уяу саклаучы, туган республиканың лаеклы гражданины итеп тәрбияләү - безнең төп бурычыбыз.