Бүгенге көнебез зәңгәр күкле болытлар астында хәрәкәтле уеннардан башланып китте. Болытлар турында кызыклы презентация карадык. Төшке аштан соң  “Зәңгәр күк астында”  дигән оригами конкурсы үткәрдек.

Лагерьның ундүртенче көне спортка багышланган иде. Бу көнне без Арча үзәк стадион мәйданына сәяхәт кылдык. Анда төрле кызыклы спорт уеннары һәм ярышлар үткәрдек. Көнебез бик күңелле үтте.

Бүген лагерьның унөченче көне. Көнебез “Синең көндәлек режимың” дигән әңгәмә белән башланып китте.Укучылар көндәлек режимның бик әһәмияткә ия икәнен аңладылар. “Табигый материаллардан эшләнмәләр” конкурсында укучылар бик теләп катнаштылар,үзләренең кул эшләренә сәләтләрен күрсәттеләр. “Кояшкай” командасы конкурста җиңүче булды.Төшке аштан соң “Арча ягы тарихы” дигән темага презентация карадылар. Көн бик күңелле үтте.

Бүген лагерьга йөрүче балалар белән берлектә "Россия, сиңа багышлыйбыз!" исеме астында “12 июнь - Россия көне”нә багышланган чаралар уздырылды. "Мин яратам сине, Россия!" дигән кичә оештырылды. Россия символикаларына багышланган конкурс балалар күңеленә бик хуш килде. Балалар Россия дәүләте символлары турында белемнәрен ныгыттылар. Эчтәлекле презентация карадылар һәм үзләренә күп мәгълүмат тупладылар. Лагерьның уникенче көне флешмоб белән тәмамланды.

Бүген лагерьның унынчы көне. Балалар “Дөрес туклану” темасына презентация карадылар һәм сорауларга җавап бирделәр. “Джунгли чакыра” спорт уены уйнадылар. Уенда “Йолдызлык” командасы җитезлек буенча аерылып торды. Төшке аштан  соң авыл китапханәсенә экскурсиягә төштеләр. Китапханәче Әүхәдиева Р.Р. балаларны яңа кайткан китаплар белән таныштырды,китап укуга кызыксыну уятты. “Әдәплелек иле”нә сәяхәт иттеләр. Балалар сорауларга җавап бирделәр, әдәплелек турында шигырьләр, хикәяләр укыдылар. Көн бик күңелле үтте. Балалар бик канәгать калдылар.

Бүген лагерьның сигезенче көне. Балалар    "Доктор Айболитта кунакта" әңгәмәсендә катнаштылар. Саф һавада хәрәкәтле уеннар уйнадылар. Көннең икенче яртысында мультфильмнар карадылар,    "Мультфильмнар  илендә" дигән викторинада үзләренең көчләрен сынадылар,  яраткан геройларын рәсемгә төшерделәр. "Кояшлы түгәрәк" уенын уйнадылар. Көн бик күңелле һәм мавыктыргыч узды.

Бүген лагерьның алтынчы көне. Төшкә кадәр балалар белән “Авылыбыз чишмәләре буйлап” сәяхәт иттек, саф һавада хәрәкәтле уеннар уйнадык. Төшке аштан соң А.С.Пушкин әкиятләре буенча әдәби-музыкаль кичә уздырылды, әкиятләргә иллюстрацияләр ясалды. Көн бик күңелле үтте.