Быел «Бердәм Россия» Бөтенроссия сәяси партиясенең Татарстан төбәк бүлеге ярдәме белән Татарстан мәктәпләрендә шахмат зоналары булдыру буенча пилот проектлары эшли башлады. Шунлыктан районыбыз мәктәпләрендә дә шахмат зоналары булдырылды. Бүген мәктәбебездә шахмат зонасы ачу тантанасы булды. Укучылар тарафыннан әзерләнгән биюләр, җырлар, шигырьләр белән үрелеп барды бәйрәмебез.  Әлеге чарада Арча районы Мәгариф идарәсе җитәкчесе Мөхәмәдияров Рамил Данил улы, Үрнәк авыл җирлеге башлыгы Габдулхаков Васыйл Расил улы, иганәче Казанбаш авылы егете Хабибуллин Рөстәм Җәүдәт улы, Казанбаш авылы җитәкчесе Нәҗмиев Ирек Равил улы катнашты. Шахмат почмагы булдыруда иганәче Рөстәм Җәүдәт улына зур рәхмәтебезне җиткерәбез. 

Бүген мәктәптә тантаналы бәйрәм - 4 нче сыйныф укучыларын Варислар сафына кабул итү оештырылды. 

Бүген 6 нчы сыйныф укучылары проект эшләрен якладылар.

Бүген 5 нче сыйныф укучылары проект эшләре белән таныштырдылар.

Бүген Арча шәһәрендә Җиңү бәйрәменә багышланган бәйрәмдә укучылар язучы М.Мәһдиевның "Без 41 ел балалары" повестеннан өзекне сәхнәләштерделәр.

Җиңү көне!

Халык бәйрәм итә.

Яз төренгән янар комачка.

Җир чәчәкләр тезгән күкрәгенә,

Йөз балкытып карый кояш та.

Җиңү көне! Халкыбыз өчен иң зур бәйрәмне быелгы  яз 76 нчы тапкыр бүләк итә.