Нәүрүз килә, Нәүрүз килә,
Күктән нурлар сибелә.
 Туган илем, туган җирем
 Язны күреп сөенә.
Нәүрүз  – төрки һәм фарсы телле халыкларның бик борынгыдан килгән бәйрәме. Ул 21 мартта көн белән төн тигезләшкән көнгә туры килә.  
Шул уңайдан мәктәпкә әзерлек төркеме белән  “Нәүрүз мөбәрәк булсын! ” дигән музыкаль кичә узды. Балалар 21 мартта билгеләп үтелүче бәйрәмнең тарихы һәм традициясе белән таныштылар, бәйрәм күңелле милли җырлар, биюләр, мәзәкләр һәм гомуми күңел ачу белән үрелеп барды. Балалар Убырлы, Кар кызы һәм Нәүрүзбикә «Чума үрдәк,чума каз», «Тамчы там», «Кашыкка йомырка салып йөгерү», , «Ледянкалар тартып йөрү»,  «Убырлының борыны» уеннарында актив катнаштылар. Шулай ук алар Кар кызының табышмакларына  җавап бирделәр, шигырьләр сөйләделәр. Бәйрәм бик күңелле узды.