Экояз2026 экологик икеайлыгы кысаларында кечкенәләр төркемендә экология темасы буенча ата-анаар җыелышы .
Табигатьне саклау бүгенге көндә иң актуаль мәсьәләләрнең берсе булып тора. Җирнең матурлыгын,чисталыгын, сафлыгын саклау мәсьәләләре күп кенә шагыйрьләребезне, язучыларыбызны борчыган. Татар халкының бөек шагыйре Габдулла Тукай иҗат иткән әсәрләрнең күбесе экология проблемасын яктырта. Авторның табигатьне саклау темасына язылган әсәрләр исемлеге бай һәм төрле. Без, тәрбиячеләр, балаларда кече яшьтән үк экологик тәрбия бирүдә Г.Тукай иҗатын кулланырга бурычлы. Бу эштә, әлбәттә, әти- әниләрне дә җәлеп итү кирәк. Шул максаттан чыгып кечкенәләр төркемендә тәрбияләнүче балаларның әти- әниләре белән “Г.Тукай иҗаты аша мәктәпкәчә яшьтәге балаларда табигатькә сакчыл караш тәрбияләү” темасына ата- аналар җыелышы үткәрелде. Җыелыш барышында әти- әниләр шагыйрьнең табигать турында язылган әсәрләрен искә төшерделәр, “Тукай әкиятләренә сәяхәт” интерактив уенында бик теләп катнаштылар, “Тукай- табигать сакчысы” кроссвордын чиштеләр. «Гаиләдә экологик тәрбия” темасы буенча анкета сорауларына җаваплар яздылар. Җыелыш ахырында балаларга экологик тәрбияне тәрбиячеләр белән әти-әниләр бергәләп бирергә тиеш дигән нәтиҗәгә килделәр. Шулай килешеп эшләгәндә генә табигать безне саф һавасы, челтер чишмәләре, сайрар кошлары белән сөендерер, шатландырыр.