8 январь көнне башлангыч сыйныф укучылары киләсе атнада узачак инглиз теле атналыгына әзерлек эшләрен башлап җибәрделәр. Алар “Шалкан” һәм “Өч аю” әкиятләрен инглиз телендә сәхнәләштерергә җыеналар.

  Кышкы каникуллар дәвам итә.  Бүген башлангыч класс укучылары белән тауга чана шуарга бардык.

Чанада да шуабыз,

Чаңгыда да шуабыз.

Тимераякта очабыз,

Чыжлап тора шома боз.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз.

   Укучылар “Оста куллар” түгәрәгендә модульле оригами юлы белән куян  төзү серләрен    өйрәнделәр.  Алар куян төзү өчен кәгазьдән модульләр әзерләделәр һәм модульләрне беркетергә өйрәнделәр. Түгәрәк занятиесе файдалы һәм кызыклы үтте

Бүген үткәрелгән  “ Яшь театр сөючеләр” түгәрәгендә  укучылар классик драматургларның  әсәрләре белән таныштылар һәм Туфан Миңнуллин исемендәге укытучыларның һәм укучыларның III республика конференциясенең “ Драматургия” номинациясендә  катнашу өчен әзерлек эшләрен  башладылар.

Яңа ел бәйрәмнәре узса да, бию түгәрәгенә йөрүчеләрнең ял итеп ятарга исәпләре дә юк. Алар киләсе чыгышларына әзерләнәләр,яңа биюләр өйрәнәләр. Аларның чыгышларын тамашачы һәрвакыт яратып каршы ала, көчле алкышлар белән озатып кала.

Кышкы каникуллар дәвам итә. Әмма шуңа да карамастан мәктәптә түгәрәк эшчәнлеге туктап тормый. Бүген беренче класс укучылары белән берлектә инглиз теле түгәрәге узды. Укучылар белән шигырьләр,тизәйткечләр, яңа сүзләр өйрәнеп, вакытны күңелле һәм файдалы уздырдык.

Несмотря на зимние каникулы,  в школе  продолжается подготовка к ЕГЭ и ОГЭ. Сегодня  учащиеся  11 класса  выполнили задания ЕГЭ по русскому языку и литературе. Консультацию провела учительница русского языка и литературы Хисамиева Р.Р. 

По результатам муниципального тура в школе  36 призовых места, среди них 13-победителей, 23-призера. Особых успехов добились ученики, которые отличились в нескольких предметах: по пяти – Салимзянова Гулина (10 класс); по четырем -  Мухаметдинова Чулпан (11кл.); по трем – Хаматдинова Марьям(11кл.),  Гибадуллина Алсу (7 кл.),  Салимзянова Алина (8кл.), Сафина Гульназ(10кл.).

  Бүген мәктәбебездә шашка һәм шахмат буенча зона ярышлары узды. Ярышта 7 мәктәп һәм бер балалар бакчасыннан профсоюз членнары катнашты. Алар матур ярыш күрсәттеләр. Җиңүчеләргә грамоталар тапшырылды. Чәй табыны артында лотерея уйнатылды, матур җырлар башкарылды.

   Мәктәбебездән математика укытучысы Сәлимҗанова Гөлназ Әдһәм кызы шашка буенча 1 нче урынны алды. Аны чын күңелдән котлыйбыз!

28 декабрь көнне Акчишмә башлангыч мәктәбендә техник хезмәткәр Гыйззәтуллина Тәнзилә Миннебай кызын лаеклы ялга озату кичәсе үткәрелде. Бу кичәдә мәктәп директоры Кавиева Р.Р., профсоюз председателе Ибрагимова Л. Ф. һәм Ибатуллина Н.Г. катнашты.  Мәктәп директоры Кавиева Р.Р. Тәнзилә апага мәктәп коллективы исеменнән үзенең изге теләкләрен җиткерде. Укучылар үзләренең рәхмәт сүзләрен  җырлар, шигырьләр аша белдерде. 

Хөрмәтле Тәнзилә апа!
Тәмле-тәмле ашлар белән          

Сыйладыгыз гел безне,

Барсы өчен дә зур рәхмәт

Һич онытмабыз сезне.

Кешелекле,  ярдәмчел сез           

Сезнең кебекләр сирәк,

Сау-сәламәт яшәгез сез

Сез бит безгә бик кирәк!

 Яратып, зур хөрмәт белән                       

Сезне искә алабыз,

Озын гомер, тыныч картлык

Сезгә теләп калабыз.