Ниһаять, шатлыклы хәбәр. Безнең мәктәп хәзер  аккредитацияле булды. Ике айга якын барган тикшерүләр нәтиҗәсендә  Мәгариф минситрлыгы безгә уңай нәтиҗә ясады.

Россиядә 2007 елның 9 декабре Ватан геройлары көне буларак гамәлгә кереп китте. Мондый бәйрәм өчен 9 декабрь очраклы гына сайланмаган. Екатерина II нәкъ шул көндә 1769 елда Изге Георгий Победоносец орденын раслый һәм аның беләнВатанны саклаганда кыюлык һәм батырлык үрнәкләре күрсәткән сугышчылар бүләкләнә. ... Һәр төбәк, һәр ил тыныч хезмәттә, изге яуда батырлык, чиксез каһарманлык үрнәге күрсәткән геройлары белән горурлана. Аларны баш иеп хөрмәтләү, зурлап искә алу максатында махсус даталар яки көннәр билгеләнә. Мәктәп укучылары авыл мәдәният йорты  хезмәткәрләре белән берлектә бу көнне авылдашларын искә алдылар.

Декабрь ае тугач, никтер күңел гел бәйрәмне көтә. Шуңа күрә тирә -юньне аллы-гөлле утлар белән яктыртасы, чыршыны бизисе килә.Быел да амтур итеп чыршы бизәп куйдык әле.

Укучылар гына түгел,балалар бакчасында йөрүчеләр дә Яңа ел бәйрәмен түземсезлек белән көтә. Алар да кул астындагы материаллардан әнә нинди гүзәллек тудырганнар.Билгеле,әти-әниләрсез булмый инде.

Бүген,18нче ноябрь,Кыш бабай туган көн.Әлеге уңайдан авыл китапханәсе мөдире Җәләлиева Лилия апалары белән укучылар Кыш бабайга туган көн бүләкләре хәзерләделәр.Яңа ел алдыннан аңа үзләренең хыял тулы хатларын юлладылар.

Этиләр көне уңаеннан без "Әтием белән" акциясенә кушылдык. Табигатьтә булган материаллардан файдаланып искитмәле   матур фигуралар ясадык. Шулардан аннары күргәзмәләр эшләдек. Безгә дә куңелле булды,әтиләргә дә ошады.

Һәр елны октябрь аеның соңгы атнасында без Сөмбелә бәйрәмен билгеләп узабыз. Быел да көзге муллыктан торган күргәзмәләр эшләдек, көзгә багышланган шигырь-җырлар белән бәйрәмне уздырдык.

Бүген балалар бакчасында тәрбияләнүчеләр өчен көзге бәйрәм булып узды. Балалар көз турында шигырьләр сөйләделәр, җырлар җырладылар. Табышмакларга җаваплар таптылар. Соңыннан күңелле уеннарда катнаштылар

Көзге бизәкләр истәлеккә калсын диеп, дәрестән тыш вакытта менә шушындый әйберләр эшләдек әле. Матурмы?! Матур шул,үзебезгә дә бик ошады.