Бүген   мәктәбебез янәшәсендә Советлар Союзы Герое, яшьлеген Биештә үткәргән Дмитрий Горбунов истәлегенә традицион чаңгы эстафетасы уздырылды. Мәктәп укучылары һәркемне җылы каршылап, хәрби-патриотик темага бик матур чыгыш ясады. Көн җепшегрәк булуга да карамастан, дистанциягә 100 гә якын мәктәп укучысы һәм оешма-предприятие вәкилләре чыкты.

24 нче февраль көнне мәктәбебездә туган тел көне уңаенннан татар теленең рухи байлыкларына карата хөрмәт һәм мәхәббәт хисләре тәрбияләү максатыннан, укучыларның сөйләм телен, дөньяны танып-белү, күзаллауларын арттыру, баету өчен «Тамчы – шоу» интеллектуаль уены үткәрелде. 8-9 нчы сыйныф укучылары үзләренең белемнәрен, үткенлекләрен, зирәклекләрен күрсәттеләр.

Мәктәбебездә 8-9 нчы сыйныф укучылары катнашында И.А.Бунин хикәяләрендә мәхәббәтнең көче нәрсәдә исеме астында рус әдәбиятыннан  диспут дәрес узды. Ике  сыйныф та әлеге язучының хикәяләрен укыганнан соң туган сорауларга җавап эзләделәр, фикер алыштылар.Язучының тирән мәгънәгә ия хикәяләре укучылар күңелендә озак сакланыр дип ышанасы килә.

Мәктәбебездә елда әфганчылар көне билгеләп үтелә. Быел да әфганчы авылдашыбыз Нәҗмиев Хәйдәр белән кызыклы очрашу узды.

Муса Җәлилнең тууына 110 ел уңаеннан мәктәбебездә аның шигырьләре буенча шигырь бәйрәме узды.

Районыбызда узган "Чаңгы юлы-2016"га  мәктәбебезнең укучылар һәм укытучылар коллективы бик теләп катнаштылар.

Мәктәбебенең иң кечкенә укучыларының бүген зур бәйрәмнәре . Алар Әлифба китабын тәмамлап "Әлифба бәйрәме"н үткәрделәр. Чара күңелле дә, мавыктыргыч та узды. Балалар үзләренең күп нәрсәгә өйрәнгәнен күрсәттеләр.

Сегодня все учащиеся 9 класса в рамках подготовки к ОГЭ писали пробный тест по обществознанию.