Кар күзгә күренеп юкка чыга бара һәм, кар беткән урыннар чүп-чар оясына охшап кала. Шуларны җиң сызганып җыештырмый торып, бернинди матурлык та күренмәячәк.  Чисталык ике айлыгы барганлыктан, бүген барлык укучылары да тәрбия сәгатьләреннән мәктәп территориясен чистартырга чыктылар.

Мәктәбебездә химия атналыгына багышланган " Кызыклы химия" дип исемләнгән дәресләр узды. Химия укытучыбыз Фәния Фәрид кызы төрле тәҗрибәләр  уздырды. 

Мәктәбебезнең күп кенә укучылары рус теле, рус әдәбияты һәм биология фәннәреннән Россия күләм " Я энциклопедия" конкурысында катнаштылар. Нәтиҗәләре дә шатланырлык, алар I-III дәрәҗә дипломнар һәм сертификатлар белән бүләкләнделәр.

Буа шәһәрендә узган көрәш ярышларында, мәктәбебезнең 9 нчы сыйныф укучысы Ибәтуллин Илшат  2 нче урын алып кайтты. Аның күп санлы грамота-дипломнары янна тагын бер грамота эстәлде. Котлыйбыз Илшат!

Бүген башлангыч сыйныф укучылары "Кошлар-безнең канатлы дусларыбыз" дигән бәйрәм үткәрделәр. Укучылар янына Яз кызы килде. Алар күчмә кошлар турында күп кызыклы мәгълүмат бирделәр, шигырьләр сөйләделәр, җырлар җырладылар.

Бүген  мәктәбебездә авылыбызның фельдшеры  Әнисә апа белән  "Туберкулездан сак булыйк!"  дип исемеләнгән әңгәмә дәресе булып узды. Анда укучылар бу авыру турында мәгълүмат алдылар һәм анкеталар тутырдылар.

Г.Т. Тукай исемендәге IV Бөтенроссия сәнгатьле сөйләүчеләр бәйгесенең муниципаль этабында безнең мәктәбебезнең 9 нчы сыйныф укучысы Дәүләтшина Зилә 1 нче урынны яулады (җитәкчесе Сабирова Т.Г.). Котлыйбыз Зилә!

Бүген  китапханәче Шакирова Ризида Разыйх кызы җитәкчелегендә,  1нче- 5нче сыйныф укучылары катнашында "Китапханә дәресе" булып узды. Дәрес  эчтәлекле һәм үзенчәлекле иде. Укучылар әлеге дәрестән бик канәгать калдылар.

Бүген мәктәбебездә барлык укучылар арасында шашка ярышлар узды.