Электронное образование Республики Татарстан

Сабантуй - халкыбызның иң танылган,күңелле милли бәйрәмнәребезнең берсе.
   Безнең мәктәп янында
   Шау-гөр килә мәйданчык,
   Килегез,дуслар,кунакка
   Сабантуй бүген бездә.
  
   Җилферди чиккән сөлге
   Бүләкләр күбебездә!
   Көрәшик тә, уйнашыйк та,
   Сабантуй бүген бездә.

    Бүген 25 май конне мәктәбебезнең балалар мәйданчыгында 2 а,б в , 3 а,б в, 5 а, 6 г сыйныфлары өчен Кече Сабатуй бәйрәме уздырылды.
Балалар ярышларда бик актив булдылар. "Аркан тартыш", "Уклау тартыш" дип аталган ярышта бик теләп көч сынаштылар. Биредә көч тә, җитезлек тә кирәк. "Чиләк белән су ташу","Капчык киеп йөгерү" ,"Кашыкка йомырка салып йөгерү" уеннары да балалар өчен кызыклы булды. Алар һәрбер уенда бер-берсе өчен көч биреп, җан атып тордылар. Малайларыбыз өчен Милли Көрәш бәйгесе дә оештырылды.
   Беркем дә читтә калмады, бәйрәм бик күңелле узды. Балалар күңелендә бәйрәм турында онытылмаслык хәтирәләр калгандыр дип ышанып калабыз.