Электронное образование Республики Татарстан

Бакчабызда ,,Хуш киләсең,Яңа ел "дип аталган тылсымлы,әкияти, күңелле бәйрәм үткәрелде.

  Балалар бәйрәмгә атап матур җырлар, мавыктыргыч уеннар -биюләр, Яңа елга багышланган шигырьләр әзерләделәр.

 Бәйрәмгә кунакка Кыш бабай, Кар кызы белән бергә Буратино, Төлке Алиса, Песи Базилио һәм башка әкият геройлары килде. Күңелле уеннар, ярышлар,чыршы тирәли әйлән -бәйлән, җыр -бию белән үрелеп барган бәйрәм балалар күңеленә хуш килде, шатлыкларының чиге булмады !

 Бәйрәм ахырынд Кыш бабай белән Кар кызы балаларны күчтәнәчләр белән шатландырдылар,матур теләкләр теләп, хушлаштылар. 

 Бакча мөдире Марина Николаевна бакча эшчәнлегендә актив катнашкан, конкурста җиңгән балаларга һәм аларның әти - әниләренә мактау грамоталары ,дипломнар, бүләкләр тапшырды. 

 Балалар белән бергә күңел ачкан, бәйрәмне оештыруда үз өлешләрен керткән, балаларның бәйрәме онытылмас, күңелле булып үтсен өчен тырышкан әти - әниләргә зур рәхмәт!

  Киләсе Яңа ел белән! Яңа ел һәр гаиләгә уңышлар, шатлык, бәхет алып килсен!

  С наступающим Новым годом! Пусть он принесёт много радости,здоровья, успехов и счастья!

Без бүген бакчабыз мәйданчыгын куелган чыршыны бизәр өчен төсле кәгазьләрдән фонариклар ясадык. Саф һавага чыккач урман кунагына бүләкләребезне элеп куйдык,ул тагын да матураеп китте, әйтерсең лә безгә рәхмәт әйтте.

 Аннан, бергәләшеп авылыбызның үзәгенә куелган,тирә - ягы Кыш бабай ,Кар кызы, урман кунаклары белән бизәлгән чыршы янына сәяхәткә кузгалдык. Без биредә кызыклы  хәрәкәтле уеннар уйнадык ,күңелле ярышлар үткәрдек,күңел ачтык һәм Яңа ел якынлашуына сөенеп, яхшы кәеф белән бакчабызга кайттык.

-Безнең бакчада бүген кызыклы һәм файдалы шөгыль булды - бергәләшеп рус халык әкияте, ,Теремкәй"не сәхнәләштереп уйнадык.

 Иң элек әкиятне бергәләп укыдык, әкияткә иллюстрацияләр карадык, геройлар турында сөйләштек: алар бер берсенә карата мәрхәмәтле, кунакчыл. 

Рольләрне бүлгәннән соң геройлар нинди интонация белән сөйләшергә тиешлеген,сәхнәдә үзеңне ничек тотарга кирәклеген искә төшердек.

 Менә әкият башланып китте.Һәрбер бала үз ролен тырышып, аңлаешлы итеп, интонация белән башкарды.

 Әкият аша балалар аңлаешлы һәм кычкырып сөйләргә,бер - берсе белән дус,кунакчыл,мәрхәмәтле булырга  өйрәнделәр.

 Әле алда безне тагын бик күп әкият сәхнәләштереп уйнауны көтә!