Түбән Кама шәһәрендә үткәрелгән "Туган телем – серле тел” исемле ачык республика бәйгесенә нәтиҗә ясалды. Татар язучылары әсәрләрен туган телебездә сәнгатьле сөйләү конкурсында безнең мәктәп укучылары да актив катнашты. 10 нчы сыйныф укучысы Ахметова Айсылу (җитәкчесе Мухаметзянова Г.А.) “Туган ил” номинациясендә II дәрәҗәдәге Диплом һәм 2 нче сыйныф укучысы Камалов Самат (җитәкчесе Камалова С.Р.) “Яшел яфрак” номинациясендә иҗатка якын килү Дипломы белән бүләкләнде. Миназова Ильвина, Мухаметзянова Айгөл (җитәкчесе Мухаметзянова Г.А.), Розыева Сиринә (җитәкчесе Гимадеева Г.Х), Хисмиева Илсинә (җитәкчесе Заббарова Г.Р.) катнашучы таныклыгына ия булдылар.

Бүген 14 нче февраль көнне 1нче сыйныф укучылары Әлифба китабы белән саубуллашу кичәсен уздырдылар. Күптән түгел генә укырга керүләренә карамастан, нәни дусларыбыз инде бик күп төрле һөнәрләр үзләштергәннәр. Кичәне зур дулкынлану белән әти-әнләр, укытучылар, башка сыйныф укучылары карап утырды. Бәйрәм бик күңелле узды.

Бүген 14 нче февраль көнне мәктәптә 7-11 нче сыйныфлар арасында волейбол ярышлары булып узды.

Бүген — Бөтендөнья гашыйклар көне. Борынгы Рим империясендә билгеләнә башлаган бу бәйрәмне, безнеке булмаса да, үз итеп өлгердек. Хәтта, татарчалаштырып, “Изге Вәли” көне дип тә йөртә башладык. Мәктәптә бу көннең иң истә калган вакыйгасы Валентинка бирү һәм кабул итеп алудыр мөгаен. Әле ахырдан аларны санаулар, кемдә күбрәк, кайсылары матуррак икәнен ачыклаулар, күпкә шатланып, азга көенеп йөрүләр кемнең генә башыннан үтми икән? Бүген безнең мәктәптә дә “Гашыйклар почта”сы эшләде. Һәрбер кеше шунда үзенең бүләген салды. Дәресләрдән соң алар үз хуҗаларына тапшырылды.

Бүген мәктәптә хәрби – патриотик айлык планы буенча бадминтон, теннис, шашка ярышлары үткәрелде.

9-11 нче февраль көннәрендә безнең мәктәпнең 10 нчы сыйныф укучысы Ахметова Айсылу Казан шәһәрендә уздырыла торган Республика татар теле олимпиадасында катнашты. Айсылу ТР фән һәм мәгариф министырлыгы таныклыгына ия булды. Киләчәктә дә уңышлар телибез сиңа, Айсылу!

Мәктәбебездә хәрби – патриотик айлык кысаларында 1 -4 сыйныфлар арасында күңелле стартлар булып узды. Бу уенда “Дуслык” һәм “Тырышлык” командалары ярышты.

10 нчы февраль көнне 7 нче сыйныф укучылары физика укытучысы Валиева Наилә Тәлгать кызы белән “Атмосфера басымы” темасын йомгаклау дәресендә практик бирем буларак пластик шешәләрдән ясалган җимлекләрне мәктәп тирәсендәге агачларга – куакларга урнаштырдылар. Дәрес тә кызыклы, мавыктыргыч узды, кошларыбызга да игътибар ителде. Укучылар атнага 2 тапкыр үзләренең җимлекләренә җимнәр өстәргә булдылар.

Гаҗәеп матур бу тормыш. Кошларга ярдәм итик, аларсыз бит дөньяның бер чите китек. Ә сез кошларга җимлекләр ясадыгызмы?

10 нче февраль көнне Урта Тигәнәле мәдәният йортында “Алтын - битлек” исемле бәйге булып узды. Бу бәйгедә безнең мәктәп укучылары татар халкының “Үги кыз” әкиятен сәхнәләштерделәр. Әкияттә катнашкан укучыларга рәхмәтебезне белдерәбез һәм алдага бәйгедә дә зур уңышларга ирешүләрен телибез.

7 нче февраль көнне Урта Тигәнәле мәдәният йортында “Алга” колхозы идарәсе һәм авыл җирлеге үзидарәсенең еллык җыелышы булып узды. Мәктәп укучылары тарафыннан кул эшләре күргәзмәсе һәм ярминкә оештырылды. Шулай ук укучылар катнашындагы концерт номерлары барлык халыкның күңеленә хуш килде. Район башлыгы В. К. Козонков кызларның сәхнә тутырып матур, оста итеп биюләренә үзенең рәхмәтен җиткерде.