Бусагада – Яңа ел. Бәхет һәм үкенеч, шатлык һәм югалту булган Иске елны озатабыз. Ел дәвамында булган вакыйгаларны искә төшерәбез. Һәрберебезнең алар үзенеке һәм без аларны тарих битләренә язып куячакбыз. Яңа елда шатлыклы очрашулар, бәхетле елмаюлар, куанычлы мизгелләр күп булсын! Елан елы бары тик куанычлар гына алып килсен, гаиләләребездә иминлек булсын. Яңа ел мөбарәк булсын.

Бүген бакчабызга Кыш бабай белән Кар кызы килде. Балаларга бик күп күчтәнәчләр алып килделәр алар. Балалар Кыш бабайга, Кар кызына рәхмәт әйттеләр һәм Чыршы бәйрәменә чакырдылар. Бэйрэм тамашасы бик кунелле хэм кызыклы булды.

Буген безнен мэктэптэ  башлангыч һэм урта сыйныфларнын Яна елны каршылау бэйрэмнэре булды. Бэйрэм бик кунелле узды.Башта мэктэп директоры Закирова Ландыш Җәүдәт кызы алдынгы укучыларга грамоталар һәм булэклэр тапшырды. Укучылар торле экият персонажлары булып киенгэннэр, озеклэр уйнап курсэттелэр, жырлар жырладылар , шигырьлэр сойлэделэр. Карарга эти-энилэр, Дэу энилэр дэ килгэн иде. Бэйрэмне хэзерлэудэ башлангыч һәм сыйныф укытучылары зур тырышлык курсэттелэр.

23декабрьдә, район мәдәният йортында муниципаль район хакимияте башлыгы чыршысы үткәрелде. Балалар өчен әлеге чара Яңа ел алдыннан зарыгып көтеп алына торган тантаналардан санала. Бирегә уку алдынгылары, мәктәп тормышында актив катнашучылар, төрле ярышларда, фестивальләрдә, олимпиадаларда җиңү яулаган призерлар чакырыла. Безнең мәктәптән дә, 9 сыйныф укучылры, Тухбагалиева Зилә һәм Альмакаева Лидия алар арасында бар иде. Аларның барысын да район хакимияте башлыгы шәхсән үзе тәбрик итә. Һәрберсенә аерым игътибар, һәркайсына татлы бүләк.

Мәктәбебездә башлангыч класс укытучыларының " Башлангыч сыйныфларда белем бирүнең сыйфатын күтәрүнең мөһим шарты буларак, дәрестә һәм дәрестән тыш эшчәнлектә укучыларның фукциональ грамоталыгын формалаштыру һәм үстерү "исеме астында мәктәпара семинары үтте. Алар ачык дәресләр , Гыйлмуллина Чулпан Зөлфәт  кызы һәм Нуруллин Рушат Фирдәвис улы мастер -класслар күрсәттеләр. Класстан тыш чара итеп, Әкияти яңа ел тамашасы үткәрелде һәм чыгышлар тыңланды.Семинар бик эчтәлекле һәм кызыклы булды.

Бүген мәктәбебезнең математика һәм информатика укытучысы Гыйлмуллина Чулпан Зөлфәт кызы "Ел укытучысы-2025" бәйгесенең муниципаль этабында ачык дәрес һәм мастер-класс күрсәтә. Уңышлар телибез!

Бүген "Умырзая" балалар бакчасында "Бөтен гаилә белән юл буйлап" юл хәрәкәте кагыйдәләрен белүчеләрне ачыклый торган иң яхшы гаилә командасы онлайн конкурсына йомгак ясау тантанасы булды. Әлеге конкурс балаларның һәм ата-аналарның юлларда куркынычсызлык турында белемнәрен арттыру максатында Актаныш муниципаль районының мәктәпкәчә белем бирү оешмалары арасында оештырылды. Чарада Актаныш районы ЮХИДИ җитәкчесе Ренат Шәмсиев һәм Актаныш районы ЮХИДИ ДБУ җитәкчесе Ләйсән Мөхәммәтова катнаштылар, конкурста җиңүчеләрне һәм катнашучыларны котлап рәхмәт белдерделәр. Алар арасында безнең дә актив гайләбез, Туктаровлар бар иде.Җитәкчеләр балаларда һәм өлкәннәрдә юлда үз-үзеңне куркынычсыз тоту культурасын формалаштыру өчен мондый чараларның мөһимлеген билгеләп үттеләр. Конкурс гаиләләр өчен үзләренең белемнәрен һәм күнекмәләрен күрсәтү, шулай ук мәктәпкәчә учреждениеләр коллективларын туплау өчен менә дигән мөмкинлек булды. Барлык катнашучыларга да истәлекле бүләкләр һәм дипломнар тапшырылды, ә җиңүчеләргә аерым призлар бирелде. Оештыручылар мондый инициативалы чаралар юл хәрәкәте кагыйдәләре белән кызыксынуны тагын да үстерергә һәм юлларыбызда иминлекне тәэмин итәргә ярдәм итәр дигән теләктә.