Соңгы елларда республикабызда  автотранспорт саны күбәя, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Ә бу исә, үз чиратында, балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтү кирәклегенә басым ясый. 19 нчы  март көннәрендә Яр Чаллы, Түбән Кама, Менделеевск шәһәрләренең профилактика бүлеге җитәкчеләре белән Иске Кормаш балалар бакчасында бакчага йөрүче балалар һәм мәктәпнең башлангыч сыйныф укучылары арасында тематик очрашу булып үтте.

21 марта  на базе ГАПОУ "Актанышский технологический  техникум"  прошел конкурс профессиональный дебют  среди учащихся общеобразовательных школ  по направлениям : Механизация сельского хозяйства»; Электрификация и автоматизация сельского хозяйства; Сварщик. В конкурсе приняли участие 68 учеников из 23 школ района. Наша команда успешно участвовала в конкурсе. Руководитель: Аскарова Р.С.

Бүген мәктәбебез кызлары арасында "Нәүрүзбикә" конкурсы булып узды. Алар һәрберсе үзләренең һөнәрләрен күрсәттеләр, ике толымга матур итеп чәч үрү, милли ризык пешерү, милли бизәнү әйберләрен тәкъдим иттеләр. Класс егетләре дә читтә калмады,  кызларны котлап концерт номеры күрсәттеләр. Иң иң "Нәүрүзбикә" титулына 4 нче сыйныф укучысы Зиязетдинова Гүзәл һәм 8 нче сыйныф укучысы Рәшитова Айгөл лаек булды.

Бүген Татар Суыксу мәдәният йортында "Йолдызлык-2019" җиңүчеләре концерт куйды. Бу чарада уртанчылар төркеме татар биюе һәм 2 нче сыйныф укучысы Фәрдиева Лиана үзенең җыр талантын күрсәтте. 

21 нче март көнне Халыкара математик уен "Көнгерә-2019" барлык мәктәпләрдә дә үткәрелә. Безнең мәктәптән 12 укучы бу конкурста катнашты.

19 нчы март көнне "Без бергә" фестиваленең муниципаль туры үткәрелде. Безнең мәктәп укучылары да бу конкурста бик актив катнаштылар. Нәтиҗәләрен көтәбез.

11 нче март көнне мәктәбебездә район укучылары арасында "Физик очкын" конкурсы үткәрелде. Барысы 21 команда катнашты. Бу конкурста 7 нче сыйныф укучысы Фәррахова Таңсылу, 8 нче сыйныф укучылары Фәрдиев Булат һәм Вагыйзова Азалияләр катнашып призер булдылар. Укытучы остазлары  Гыйльфанова Филиза. Аларны чын күңелдән бу җиңүләре белән котлыйбыз. Алда да зур уңышларга ирешүләрен теләп калабыз.

7 нче март көнне  мәктәбебез укучылары авыл халкы алдында имтихан тотты. 8 нче март бәйрәме белән котлап концерт куйды. Барлык сыйныф укучылары да үзләренең һөнәрләрен күрсәттеләр.