Мәктәбебез коллективы 2015 нче елда төп гомуми белем бирү  мәктәпләре арасында бәйгедә 2 нче урынга лаек булды. Белем һәм тәрбия бирүдә югары күрсәткечләргә ирешкән өчен Актаныш муниципаль районы башлыгы Ф.М.Камаевның дипломы белән бүләкләнде.  

   Мәктәп коллективын, укучыларны, ата-аналарны  чын күңелдән тәбрик итәбез!  Иң беренче очракта  сәламәт булып, уңышларга ирешеп ,бар яктанда  бай булып яшик. 

26 январь көнне Иске Кормаш мәдәният йортында, Иске Кормаш авыл җирлеге советының еллык отчет җыелышы булды.Җирлек башлыгы Кашбразиев И.Ә. 2015 елда эшләнгән эшләргә отчет куйды. Җыелышта район администрация башлыгы урынбасары Бариев И.Ш. чыгыш ясады һәм халык сорауларына җавап бирде. Җыелышта шулай ук, район социаль оешмаларының вәкилләре дә катнашты.

20 январь көнне Пучы мәктәбендә директорның укыту-тәрбия эшләре буенча урынбасарларының семинары үтте. Безнең мәктәптән директорның укыту-тәрбия эшләре буенча урынбасары Фәрдиева Л.З  катнашты.

Бүген мәктәптә һәр класста әхлак дәресләре уздырылды. Ул түбәндәге темаларга үтте: "Тәртип бусагадан башлана"(1-3 класс), "Яхшы сүз җан азыгы"(2-4 класс), "Кеше холкын күзәт, үзеңнекен төзәт"(5 класс), "Намусыңны яшьтән сакла"(6 класс), "Нәрсә ул бәхет?" (7 класс), "Сабыр төбе-сары алтын"(8класс), "Кешене туйдыручы һөнәр"(9 класс).

Мәктәптә "Йолдызлык - 2016" бәйгесенә әзерлек бара. Укучылар класс җитәкчеләре белән берлектә конкурсның мәктәп турына әзерләнәләр. Иң уңышлы  номерлар 9 февральдә булачак  икенче турга сайлап алыначак. Укучыларыбызга иҗади уңышлар телибез!

14-17 нче январь көннәрендә  Казан шәһәрендә укучыларның 'экология фәненнән Бөтенроссия фән олимпиадаларының  региональ этабы  үткәрелә. Анда безнең мәктәпнең 9 нче класс укучысы Гарипова Гөлнара да катнаша. Аңа уңышлар теләп калабыз!

  15 январь көнне мәктәбебезнең укучы малайлары һәм егетләре турниктан күтәрелү буенча ГТО нормалары тапшырдылар. Укучыларның нәтиҗәләре алдагы нәтиҗәләргә караганда яхшырак.

Президент подписал Указ «О проведении в Российской Федерации Года российского кино».

Су объектларын саклау һәм торгызу, биологик су ресурсларының, хайваннар һәм үсемлекләр дөньясының яшәү тирәлеген саклау, халыкка уңайлы шартлар тудыру мәсьәләләренә җәмгыятьнең игътибарын җәлеп итү максатыннан ТР Президенты Р.Н.Миңнеханов указы нигезендә 2016 ел Су саклау зоналары елы дип игълан ителде.