Бүген барлык классларда да өченче чирек нәтиҗәләре буенча класс җыелышлары үткәрелде, язгы каникул чорына куркынычсызлык кагыйдәләрен үтәү буенча инструктаж үткәрелеп, имзалар алынды.

18 нче март көнне тәрбия эшләре буенча директор урынбасары Марданова Ә. Яңа Әлем төп гомуми белем бирү мәктәбендә “2015 – 2025 елларга кабул ителгән тәрбия үсеше стратегиясен тормышка ашыру кысаларында укучыларга әдәп – әхлак тәрбиясе бирү” темасы буенча семинар - практикумда катнашты. Семинарда “Яхшы сүз – җан азыгы” дигән темага әхлак дәресе, “Матурлык илендә” дигән темага дәрестән тыш чара, “Шәҗәрәләр – күңел көзгесе” темасына мастер - класслар каралды. Соңыннан алда торган бурычлар буенча киңәшмә булды.

Иске Кормаш төп гомуми белем бирү мәктәбенең 9 сыйныф укучылары 17 март көнне җәмгыять белеменнән ,имтихан тапшырып кайттылар.

Иске Кормаш мәктәбендә тарих һәм җәмгыять укытучыларының район семинары булып узды. Иске Кормаш мәктәбеннән җәмгыять белеменнән "Хезмәт-тормыш нигезе" темасы астында 5 сыйныф укучылары белән,  тарих һәм җәмгыять белеменнән Газизов Гадел Фирдәвис улы дәрес күрсәтте. 5-6 сыйныф укучылары белән интелектуаль уен "Тамчы шоу" оештырылды. Мәктәптәге Зилфат Басыйров исемендәге музейга  экскурсия ясалды. Соңыннан "Йолдызлык 2016 " елда үткән укучыларның чыгышы оештырылды. Бик эшлекле, күңелле ,семинар булды.

2 мартта район  мәдәният йортында XVI эстрада  сәнгате «Йолдызлык-2016» яшьләр фестиваленең мәктәп укучылары арасында район туры узды. Монда җырчы, хореография коллективлары чыгыш ясады. Иске Кормаш мәктәбе авыл  мәктәпләре арасында 2 урын алды. 

Халыкара хатын-кызлар көне – 8 Март белән!

Кадерле хатын-кызлар! Сезне язның иң беренче, иң күңелле бәйрәме – Халыкара хатын-кызлар көне – 8 Март белән ихлас күңелемнән тәбрик итәм! Хөрмәтле хатын-кызларыбыз, тормышыгыз шатлык белән тулсын, якын кешеләрегез кадерегезне белеп яшәсен. Безнең кыштан арыган йөрәкләребезгә язның беренче җылы нуры булып керүче бүгенге бәйрәм сәламәтлек, бәхет һәм бәрәкәт китерсен!

Бөек Җиңүгә - 71 ел тулуга багышланган "Салют, Победа!" ярышларында 9 класс укучылары катнашып районда уңышлы чыгыш ясадылар. Җитәкчеләре- Газизов Гадел Фирдәвис улы.Афәрин!

1 нче март көнне "Салют Победы" 9 сыйныф егетләренең хәрби ярышы була.  Аларга уңышлар телибез!

22 февраль көнне үткәрелгән Укучыларның Кышкы спартакиадасында уңышлы чыгыш ясап, Иске Кормаш мәктәбенең укучылар командасы 3 урынга  лаек булды. Афәрин укучылар! Остазлары  Газизов Илдус Нәҗип  улы.