По плану МКУ "Управление образования" Актанышского района, с 9 по 16 декабря в школе проводятся районные контрольные работы за I полугодие 2016-2017 учебного года.

Мәктәбебездә "Без- начар гадәтләргә каршы" темасы астында класс сәгатьләре үтте. Бу акциядә барлык класслар да актив катнашты.

2 декабрь  көнне  мәктәптә 9 класс укучылары рус теле буенча районнан килгән сынап карау имтиханы эшләделәр.

Беренче декабрь көнне мәктәп  Бөтенрәсәй Стоп Вич акциясенә кушылды. Тәрбия дәресләре  үткәрелде, буклетлар таратылды. Урамда очраган кешеләргә кызыл тасмалар беркетелде.

Иске Кормаш укучылары "Йолдызлык-2017" гә әзерлек дәвам итә. Биюләрне кабатлыйлар. Аларга уңышлы чыгышлар телибез!

Иске Кормаш төп гомуми белем бирү мәктәбенең чыгарылыш класс укучылары бүген математикадан ОГЭ биреп карыйлар. Уздырылу урыны Актанышның 2 нче урта мәктәбендә. Аларга уңышлар телибез!

Иске Кормаш мәктәбе дирекциясе

Әниләр көне уңаеннан   котлавы

Ноябрьнең соңгы якшәмбесендә без һәркемнең йөрәгенә бик якын бәйрәм – Әниләр көнен билгеләп үтәбез. Бу бәйрәм – балаларыгызның сезгә хөрмәт күрсәтү һәм яратуларын белдерү көне генә түгел, әниләрнең һәр кеше һәм җәмгыять тормышында бик зур роль уйнавын тану да.

Әни – тормышын башыннан алып ахырынача безгә, балаларга багышлаган бердәнбер кеше ул. Безгә ничә яшь булуына карамастан, нәкъ менә әниләр уңышларыбызга иң нык сөенүче, яклаучы, күңелсезлекләргә көенүче, баласының тормыш юлындагы һәр адымы өчен чын күңелдән борчылучы да. Һәр әни үз баласының лаеклы тормышта яшәвен, акыллы, укымышлы, уңышлы, матур, кешеләрнең хөрмәтенә лаек булуын тели.

Бездә булган барлык яхшы, мөһим нәрсәләр – гаилә җылысы, уңайлыклар, хәтта тормышыбыз өчен дә без сезгә – әниләргә бурычлы.

Бүген без күп балалы һәм тәрбиягә алып бала үстерүче әниләргә дә рәхмәт әйтәбез, әни вазыйфасын районның җәмәгатьчелек тормышы, хезмәт белән уңышлы үреп баручы хатын-кызларыбызга хөрмәт белдерәбез.

Кадерле әниләр, бүгенге бәйрәм көнендә безнең җылы теләкләребезне кабул итеп алыгыз, сезгә балаларыгызның яратуы, хөрмәте, саулык, бәхет һәм гаилә иминлеге юлдаш булсын. Балаларыгыз һәм оныкларыгыз сәламәт, талантлы, сезне яратып, игътибарлы булып үссеннәр.

“КЭС-БАСКЕТ” егетләр командалары арасында баскетбол ярышы  бүген яки  25 ноябрь җомга көнне “Иман” спорт комплексында уза. Иске Кормаш мәктәбе егетләренә уңышлар телибез! Остазлары Газизов Илдус Нәҗип улы.

Мәгариф идарәсе җитәкчесенең 22 ноябрь № 377-ОД приказы нигезендә 24 ноябрь көнне безнең мәктәптән   Ибрагимова Роза һәм Хөснетдинова Вәсилә Чаллы шәһәрендә ГО ЧС буенча бер көнлек өйрәтү семинарында  катнаштылар.