Казан шәһәре "Корстон" кунакханәсенең конференцияләр залында "Папы против травли" дип исемләнгән Әтиләр берләшмәсенең бөтенрәсәй конференциясе булып узды. Мәктәп директоры Рамил Җәмигънур улы чарада катнашып, тәҗрибә туплап кайтты. Чара Татарстан республикасы мәгариф һәм фән министры И.Г. Хадиуллинның утырышта катнашучыларны сәламләве белән башланып китте. Республикабызның 1410 мәктәбендә дә әтиләр берләшмәләре эшләве турында әйтеп узды, аларның тәрбия эшчәнлегендә зур роль уйнавына басым. ясады. Төп максат- балаларны саклау. Балаларга патриотик тәрбия бирергә, илебезне җимерергә юл куймаска, җиңү көнен якынайтырга дип фикерләрен җиткерде Илсур Гәрәевич.
 Россия Федерациясе президенты каршында бала хокукларын яклау буенча вәкаләтле вәкил Львова-Белова Мария Алексеевна соңгы елларда көчәеп киткән балаларның кыерсытылулары, эзәрлекләнүләре турында ата-аналарны укыту программалары эшләнүе хакында җиткерде.