Казан шәһәрендә үткәрелгән "Наука и молодежь Татарстана- Агровызов" фәнни-гамәли конференциясендә мәктәбебезнең 8 класс укучысы Хайбрянова Рузалина лаеклы 3 урынны яулады. Казан аграр университеты "Үсеш ноктасы" юнәлеше буенча өстәмә белем бирү педагогы Розалия Данис кызын һәм Рузалинаны диплом белән бүләкләде. Аларны ихлас котлыйбыз!

Яр Чаллы шәһәрендә татар әдипләре катнашында узган "Илһам" яшь  язучылар бәйгесендә Байсар мәктәбеннән дә ике укучыбыз Садриева Язгөл һәм Салахова Таңсылу беренче тур җиңүчеләре булып, мәртәбәле жюри каршында имтихан тотты. Казан шәһәрендә узачак бәйгеләрдә дә аларга уңышлар теләп калабыз!

Байсар мәктәбе командасы районда уздырылган кышкы сезонны ябу спартакиадасында 2 урынны яулап, янә җиңү белән кайттылар. Ярышларда катнашкан укучыларыбызны һәм аларны бәйгегә әзерләгән укытучылары Гөлнара Рафиковнаны котлыйбыз! Алдагы ярышларда да уңышлар телибез!

3 март көнне Әлфия Авзалова исемендәге район Мәдәният сараенда "Йлддызлык-2026" фестивале узды. Төп гомуми белем бирү мәктәпләре арасында мәктәп коллективы мактаулы 1 нче урынны яулады. Укучыларны, өйрәткән педагогларны һәм әти-әниләрне кантнашучыларның нәтиҗәле чыгыш ясаулары, зур җиңүләре белән ихлас котлыйбыз!

Татар теленнән Республика олипиадасында мәктәбебез укучылары янә җиңү яуладылар. 9 класс укучылары Салахова Таңсылу һәм Кашапова Язилә призер булдылар. Укучыларны һәм укытучы апалары Гөлнара Илгиз кызын ихлас котлыйбыз һәм киләчәктә дә уңышлар гына юллыйбыз.

Агымдагы елның 4 февраль көнне "Батыр" спорт сараенда район мәктәпләренең укучылар командалары арасында волейбол ярышлары булып узды. Мәктәбебез егетләр командасы мактаулы 2 урынга лаек булдылар. Укытучылары Гөлнара Рафик кызына һәм егетләребезгә рәхмәтебезне белдерәбез. алдагы чрышларда да уңышлар телибез!

3 февраль көнне Мәктәбебез укучылары "Йолдызлык" фестивалендә катнашып, мәртәбәле жюри каршында "имтихан" тотты. Үз эченә патриотик темадагы нәфис сүз,  җыр, бию номинацияләрендә укучыларыбыз бик матур чыгыш ясадылар. Аларга Гала концертта да уңышлар телибез. Афәрин, укучылар! һәм әзерләүче укытучылар

Февраль аена да күп калмады. Патриотик тәрбия эшчәнлеге бу айда тагы да җанланып китә, киң колач җәеп, мәктәбебездә бик күп эшләр башкарыла. Мәктәбебезнең "Алдынгылар хәрәкәте" укучылары әлеге оборона -масса айлыгын көтеп тормыйча, һәйкәл алдын кардан чистартырга булдылар. Соңгы көннәрдә кар бик мул яуды. Кар күп яуса, иген уңар, ди халык. Илләребез тыныч булып, мул уңышлар үстерергә насыйп булсын. Тыныч йоклагыз, бабаларыбыз! Без сезне онытмыйбыз! 

Кыш айлары, бигрәк тә январь-февраль- кошлар өчен азык табарга авырлашкан чор. Җитмәсә, кырлач салкыннары да өстәлә. Кар күп, җирдән азык табып булмый, агачлардагы миләш, балан кебек җимешләр дә инде я ашалып, я коелып беткән. Мәктәбебез укучылары канатлы дусларыбызга җимлекләр ясап, аларның хәлләрен бераз булса да җиңеләйтәләр.

Бүген Актанышта Татарстан республикасының "Алдынгылар хәрәкәте" гомурәсәй иҗтимагый-дәүләт балалар һәм яшбләр хәрәкәтен үстерү, балалар һәм яшьләр иҗтимагый берләшмәләре белән хезмәттәшлек советының утырышы узды. Утырыш эшендә Актаныш районы баәлыгы Ленар Зарипов, "Алдынгылар хәрәкәте" Россия балалар яшьләр хәрәкәтенең Татарстандагы төбәк бүлеге җитәкчесе урынбасары надир Курамшин катнашты. Мәктәбебезнең "Алдынгылар хәрәкәте" нең беренчел бүлекчәсе остазы Эльвира даннур кызының чыгышы һәркемне үзенә җәлеп итте. Быел гына эшли башлаган беренчел оешманың уңышлары һәркемдә соклану уятты. Алга таба да уңышлар телибез!