Тәрбиячебез Ләйсән Хөсәен кызы  Чаллы педагогия университетында переподготовка үтеп диплом алды.Эшендә аңа  уңышлыклар телибез.

Һәр группада әниләрне котлап бәйрәм иртәләре үткәрелде, үзләре ясаган эшләрне бүләк иттеләр.

"Йолдызлык-2016" эстрада сәнгатенең яшьләр фестивалендә безнең балалар бакчасы  II  урынга лаек булды.

Район күләмендә  сәламәт яшәү рәвешен пропагандалау максатыннан чаңгы ярышы уздырылды.

10 гыйнвар көнне "Яшьлек" мәдәни үзәгендә "Ак калфак" хатын-кызлары республика иҗтимагый оешмасы Актаныш районы бүлекчәсенең ел йомгаклары конференциясе үтте.Монда иҗтимагый оешма әгъзалары - балалар бакчалары мөдирләре дә катнаштылар. "Милли киемле курчаклар" күргәзмәсе оештырылды.Әлеге күргәзмәгә  тәрбиячеләр: Аминова Н.Ә.,Солтанова Ә.Н.,Маннапова Н.М.,Гибадуллина Л.Х.,Хуҗина Р.Г. бик теләп катнаштылар.Күргәзмә күз явын алырлык итеп оештырылган иде.

"Йолдызлык -2016" конкурсының 1 туры балалар бакчасында үтте. Балалар әлеге конкурска бик теләп әзерләнделәр һәм үзләренең көчләрен сынап карадылар. Бик күп номерларыбыз 2 турга да үттеләр.Булдырдыгыз, балалар!

"Иң яхшы шигырь укучылар " бәйгесе үткәрелде.Әлеге бәйге уртанчылар, зурлар, мәктәпкә хәзерлек группасы балалары арасында үткәрелде.Балалар татар, рус, инглиз телләрендә үзләренең өйрәнгән шигырьләрен сөйләделәр.Җиңүче балаларның видеороликлары  конкурсның 2 турына  җибәрелделәр. Балаларга уңышлар телибез!.

Хөрмәтле хезмәттәшебез Аминова Назилә Әсгать кызы!

Сезне чын күңелдән олы юбилеегыз белән котлыйбыз! Яшәешнең иң кыйммәтле җәүһәрләренә тиң   булырлык сәламәтлек, күңел тынычлыгы, гаилә шатлыгы,бзхетле озын гомер кичерүегезне телибез. Туачак таңнарыгыз һәрчак нурлы, күк йөзегез һәрвакыт аяз булсын.

Халык өчен хезмәт куйган чакта

Сабырлыкны юлдаш иткәнсез.

Мөгәллимә   дәрәҗәсен яулап алган

Иң нәфис зат-ул Сез икәнсез.

Җиргә килгәч, бәхет бөтен булсын,

Бөтен булсын гомер йомгагы.

Илле бишне йөзгә җиткергәндә,

Сизелмәсен еллар узганы.

   Иң изге теләкләр белән хезмәттәшләрең.

Районыбызның Үзәк чыршы янындагы мәйданында  район  оешма-предприятиеләренең  :

"Калдырыйк ,әйдә, мөгезләрне

Үткән болгавыр елда.

Маймылланып яшик әле

Киләсе Яңа елда"  ,-дигән баш астында Яңа ел сценарийлары буенча чыгышлар булды. Һәр оешманың  да сәхнәләштерелгән тамашалары эчтәлекле, кызыклы  булды.Чыгышлар тәмамлангач,Башкарма комитет җитәкчесе  социаль мәсьәләләр буенча урынбасары Л.Җ.Шамсунова нәтиҗәләрне игълан итте.Ул сөценарийлар буенча сәхнәләштерелгән тамашаларның барысы да эчтәлекле булуын ассызыклап үтте, барлык көчләрен куеп эшләгәннәре өчен рәхмәтен белдерде һәм Яңа ел бүләкләрен тапшырды.

Бүген уртанчылар, зурлар һәм мәктәпкә хәзерлек группаларында чыршы бәйрәмнәре  үтте.