Богады мәктәбенең ата-аналар советы әгъзасы Лүзә Әскарова укучыларның туклануын күзәтү максатыннан  мәктәп ашханәсендә булды. Төшке ашка бирелә торган ризыкның меню белән туры килү-килмәвен, табынга бирелгәндә эстетик матурлыгын, тәмлелеген карап, бик канәгать калды. "Ризыклар чынлап та бик тәмле, пешекче апаларга рәхмәт!" дип үз фикерләрен һәм рәхмәт сүзләрен язып калдырды.

Халыкара су көненә багышланган чара үтте мәктәптә. Биология укытучысы И.Харисова оештырган әлеге кичәдә укучылар викторина сорауларына җавап бирделәр. Тормышыбызны үзеннән башка күз алдына да китереп булмаган табигать байлыгы - су турында тәкъдим ителгән презентациядә бик күп яңа мәгълүмат алдылар. Су асты патшалыгында кунакта булып, Нептунның үзе белән күрештеләр. Кичә бик кызыклы, файдалы һәм күңелле үтте.

13  марта в Актанышском районе прошла Зимняя Спартакиада руководителей. Соревнования проходили в ДС "Батыр", ЛДС "Лачын" и в Плавательном бассейне "Дулкын" по 7 видам спорта.

Богады мәктәбе профсоюз оешмасы укытучыларга электрон профсоюз билетлары тапшырды.

Профсоюзная организация  вручила учителям электронные профсоюзные билеты.

Актаныш технология техникумы базасында 12 март көнне узган "Мин - мастер!" бәйгесендә IX сыйныф укучысы Айзилә Арсланова - I, VII сыйныф укучысы Ильвина Сабирова - II урынны яуладылар. Кызларны һәм укытучы-остазлары Лениза Фәттахованы чын күңелдән котлыйбыз!

Туган тел елына багышлап оештырылган театр атналыгы кысаларында 11 март көнне VI-IX сыйныф укучылары спектакльләрдән өзекләр күрсәттеләр.  VI сыйныф укучылары ГКамалның "Беренче театр" әсәрен сәхнәләштергән. VII сыйныф укучылары Г.Исхакыйның "Җан Баевич" әсәреннән өзек уйнадылар. Ф.Яруллинның "Кызларның кызганнары" комедиясен сәхнәләштергән VIII-IX сыйныф укучылары уенын да тамашачылар көлә-көлә алкышлады.

Актаныш технология техникумы оештырган "Профдебют" бәйгесендә катнашкан кыз-егетләр белән мәктәбебез директоры В.Салихов эшлекле сөйләшү үткәрде. Техникум, андагы уку шартлары, укытучылар турында тәэсирләре белән кызыксынды, киләчәккә планнары турында сорашты.

"Ягез әле, кызлар!" бәйгесе гөрләде бүген мәктәптә.. "Ромашкалар", "Гөлләр" һәм "Авыл кызлары" командаларына бүленеп рәхәтләнеп җырлады, биеделәр. Ашарга пешерү хикмәтләрен ачыклады, "оригами" белән дә шөгыльләнде - салфеткадан чәчәкләр ясадылар, шигырь яздылар - ут өерттеләр, кыскасы. Егетләр дә читтә калмады: сәдәф тә тактылар, ярма да чүпләделәр, котлауларын ирештереп күңелне күтәрделәр. Ахырда кем җиңде, дисезме? Әлбәттә, дуслык җиңде! Бәйрәмне оештырган Гөлзифа апа Нуриева һәм аның II сыйныф укучыларына зууур рәхмәт!

Иң кадерле, иң газиз, иң яраткан кешеләр - әниләргә изге теләкләр һәм матур җыр-биюләрен кич белән Богады авыл клубы сәхнәсеннән җиткерде бүген укучылар. Зал тутырып килгән тамашачылар һәр чыгышны алкышларга күмде. Әти-әниләр, сөенеп сәхнәдәге ул кызларын күзәтте. Бәйрәм бик матур узды.

Инглиз телендә театр бәйгесендә Богады мәктәбе укучылары Памела Траверсның "Мэри Поппинс. Дөнья тирәли сәяхәт" әсәрен сәхнәләштереп бүген жюрига тәкъдим иттеләр.

В англоязычном театральном конкурсе ученики Бугадинской школы показали театральную постановку Памелы Траверс "Мэри Поппинс. Кругосветное путешествие".