Республика күләмендә үткәрелгән "Эко яз-2019" бәйгесе кысаларында бакчабызда бихисап чаралар уздырыла. Кошларга оялар ясау, макулатура җыю, территорияне чистарту, җыештыру һ.б. Бу чарада балалар, бакча эшчеләре, ата-аналар бик теләп катнашалар.

Зурлар төркемендә "Сыерчыкларны көтеп" акциясе узды. Иң актив гаиләләр Кашаповлар һәм Шәйхетдиновлар гаиләләре булды. (тәрбиячеләр Р.Р.Латипова һәм Р.Ф.Камалова) Әлеге акциядә актив катнашкан гаиләләргә рәхмәтебезне белдерәбез.

  Мәктәпкә әзерлек төркеме балалары Әнәк авылында урнашкан Шәрип Шәймиев музей йортында кунакта булып, музей хезмәткәрләре тарафыннан "Көлке көненә" карата чарада катнаштылар.

Бүген авылыбыз мәдәният йортында"Йолдызлык" эстрада фестивале кысаларында бакчабызның балалары яңадан сәхнәдә балкыдылар.

Уртанчылар төркеме балалары кечкенәләр төркеме балалары үзләренең концерт программасын тәкъдим иттеләр.Балалар кечкенә артистлар чыгышын шатланып кабул итеп, алкышларга күмделәр.

Зурлар төркемендә табигать почмагында көн саен хезмәт. Утырткан үсентеләрне аерып, сулар сибү хезмәтен балалар яратып башкаралар. Аерым дәфтәргә үсентеләрне күзәтү алып бару эшен дә онытмыйлар.

Зурлар төркемендә балалар Эльмира Шарифуллина иҗаты белән танышалар, шигырьләрен, әсәрләрен өйрәнәләр.

Балаларда сәламәтлекне саклауга, аны ныгытуга, сәламәт яшәү рәвешенә омтылыш уяту, спортка мәхәббәт тәрбияләү, патриотик хис тәрбияләү,сәламәт кеше генә Туган илен яклый һәм саклый алырга сәләтле булуына төшендерү максатыннан уртанчылар һәм зкрлар төркеме балалары белән физкультура инструкторы Л.Г.Заманова чара үткәрде.

Уртанчылар төркеме балалары геометрик фигуралар иленә сәяхәт иттеләр. Соңыннан балалар геометрик фигуралардан төрле кызыклы предметлар төзеделәр.