Әвәләү серләренә, бизәкләү алымнарына өйрәнүче балалар педагоглары Р.Р.Хабибуллина белән ял паркына экскурсиягә бардылар.Табигатьнең матур төсләрен күрү,тою,табигать белән якыннан аралашу- иҗат дөньясының аерылгысыз бер өлеше булып тора.Балаларны кече яшьтән матурлыкка якынайту Рифа Рифкать кызының эшчәнлегендә төп юнәлешләрнең берсе булып тора.

"Без бергә" балалар халык иҗаты Фестиваленең республика этабы җиңүчеләре дә билгеле булды. Актаныш №1,2, гуманитар гимназия - интернат, Чуракай, Байсар , Мари Суксу, Әтәс, Аккүз, Пучы мәктәпләреннән коллектив һәм ялгыз номинацияләрдә җиңүләре белән  чын күңелдән котлыйбыз!Иҗади уңышлар, яңа үрләр телибез!

9 Май - Бөек Җиңү көнен җир шарында тынычлык сөюче барлык кешеләр дә зур горурлык белән искә ала, бәйрәм итә.Фашистик Германия гаскәрләрен тар-мар итеп, илбасарлардан азат итүгә 73 ел вакыт узып киткән.Ләкин сугыш китергән ачы  югалтулар, кайгы-хәсрәтләр беркайчан да онытылырлык түгел.Кешеләр күңелендә бары бер теләк- сугыш афәтләре беркайчан да кабынмасын, илебезнең күге һәрвакыт аяз һәм тыныч булсын!Балалар Иҗат үзәге хезмәткәрләре бу танатаналы бәйрәмгә зур ихтирам һәм горурлык хисе белән килделәр."Үлемсез полк" акциясенә кушылып, һәләк булган якыннарының батырлыгын, аларның үлемсез исемнәрен башкаларга да ишеттерделәр һәм яңарттылар.

Минзәлә районында  4 нче майда Җиңүнең 73 еллыгына багышлап татарча көрәш буенча  ярыш үткәрелде. Балалар иҗат үзәгенең “Көрәш” түгәрәгендә шөгыльләнүче укучыларыбыз да ярышта катнаштылар.Нәтиҗәләр дә куанычлы:
Нургалиев Айзат (6 сыйныф) – 1 урын
Гыйлемов Салават (7 сыйныф) – 1 урын
Рузибоев Дамир (7 сыйныф) – 1 урын
Хәбетдинов Салават (8 сыйныф) – 1 урын
Шәмсиев Илназ (7 сыйныф) – 1 урын
Рузибоев Тимур (1 сыйныф) – 2 урын
Секунов Эмиль (4 сыйныф) – 2 урын
Марданов Ришат (7 сыйныф) – 2 урын
 Заһиров Булат (7 сыйныф) – 2 урын
Фәтхуллин Айнур (7 сыйныф) – 2 урын
 Хафизов Ильяс (10 сыйныф) – 2 урын
 Шакиров Динар (7 сыйныф) – 3 урын

Остазлары-Садри Әнис

"Җиңү йолдызы" рәсем бәйгесе Бөек җиңү көненә багышлап үткәрелде.Мәктәпләрдән, Балалар иҗат үзәгеннән әлеге бәйгегә укучылар теләп катнаштылар.Бәйгегә нәтиҗәләр  өч яшь аралыгында чыгарылды.Җиңүчеләрне Мактау кәгазьләре, Дипломнар көтә.

Язгы кыр эшләре башланыр алдыннан татар халкы элек- электән Карга боткасы бәйрәмен үткәргән.Бергәләп күңел ачканнар, җырлаганнар, уеннар уйнаганнар.Ахырдан бергәләп ботка ашаганнар.1 Май иртәсендә Бүләк урманы янында Карга боткасы бәйрәме оештырылды.Торле уеннар, күңелле әкият геройлары катнашындагы тамашаны Балалар иҗат үзәге коллективы бик мавыктыргыч итеп оештырды.Зурлар да, кечкенәләр дә тамашада теләп катнаштылар, күңел ачтылар.Тәмле карага боткасыннан килгән барлык катнашучылар да авыз иттеләр.Бәйрәмгә килүчеләрне район Башкарма комитеты җитәкчесенең социаль эшләре буенча урынбасары Л.Ф.Нурлыева, Мәгариф идарәсе җитәкчесе И.Р.Вахитов, Актаныш Балалар иҗат үзәге директоры З.Б.Хабибуллина тәбрикләделәр.

Тирә-якны чистарту, чуп-чарлардан арындыру айлыгы кысаларында Балалар иҗат үзәге коллетивы да өмәгә чыкты.Капиталь төзекләндерүдән соң бина аеруча күркәмләнде.Тирә-юньне тәртиптә тотуга игътибар зур биредә.Коллектив ике атна рәттән өмәгә чыкты.Нәтиҗәсе дә күренә - бар җирдә тәртип!

В целях  воспитания у детей гражданственности и патриотизма, уважения к бессмертному воинскому подвигу, формирования у детей духовных ценностей и нравственно-эстетических жизненных принципов;выявления талантливых детей Актанышский Центр детского творчества проводит конкурс рисунков "Звезда Победы",посвященный празднованию дня Победы в Великой Отечественной войне в 1941-1945 гг.

26-28 апрель көннәрендә Алабуга шәһәрендә техник иҗат Фестивале үтә.Төрле су, һава,җир транспорты, ракета модельләре төзү буенча укучылар республика бәйгесенә җыйналдылар.Актаныш районын  укучылар һәм укытучылардан торган команда яклый. Робототехника юнәлеше буенча бәйге 27нче апрель көнне уза. Ф.Ф.Ямалов җитәкчелегендәге команда да сынатмас дигән өметтә калабыз.Күргәзмәгә район укучыларның техник иҗат буенча эшләнмәләре җибәрелде.Күргәзмә буенча презентацияне Н.Ф.Гимазовның укучысы Салахов Данияр тәкъдим итәчәк.Фестивальда катнашучыларга уңышлар телибез!