23-24 август көннәрендә Удмуртия Республикасы Ижау шәһәрендә Республика мәгариф салоны - "Удмуртия - мәгариф үсеше территориясе" исеме астында оештырылды.Бу чарага Татарстанның терәк Үзәкләре һәм Кванториум җитәкчеләре чакырулы иде.Яңа технологик таләпләргә туры китереп җиһазланган әлеге Үзәктә балаларга өстәмә белем бирүнең иң иҗади, технологик яктан югары материаль-техник җиһазланышка ия булган чаралар күзәтелде һәм өйрәнелде.

"Авиашоу -2018" кысыларында Актанышта  беренче тапкыр республика күләм ачык ярышлар үткәрелде.Гади пневмо-ракета һәм авиа модельләр буенча ачык ярышларда район укучылары гына түгел, Ютазы,Саба,Чистай районы техник иҗат белән шөгыльләнүче балалары да бар иде. Гади модельләр дә чын очкычлардан калышмый очтылар.Бик яхшы очыручылар ярышның кубогына,медальләренә һәм Мактау Грамоталарына ия булдылар.

"Актаныш басмалары"нда тапкырлар, зирәкләр, тырышлар, шаяннар кабат күңел ачарга,уйнарга,ярышырга җыйналдылар.Балалар иҗат үзәге педагоглары күңелле кичәне активистлар белән берлектә оештырды.Мондый күңелле очрашуларны балалар көтеп ала.Сере бер генә-һәр атнаның пәнҗешәмбе көне күңелле кичә!Һәр чара балалар күңелендә калырлык кызыклы да,мавыктыргыч та итеп оештырыла.Тагын күңелле очрашуларда көтеп калабыз!

Җәйге чорда балалар өчен төрле чаралар Актаныш авылында даими оештырыла.Балалар иҗат үзәге педагоглары бүгенге чараны "Гәрәбә"клубы белән берлектә оештырдылар.Өлкән яшьтә булсалар да, җыр-моңга гашыйк апаларыбыз чарада теләп катнаштылар.балалар белән бергә төрле уен-ярышлар үткәрделәр.Әлбәттә, җиңүчеләр истәлек бүләкләргә дә ия булдылар.

Актаныш балалар иҗат үзәгендә педагог- оештыручыларның секцион утырышы үтте."Иҗтимагый балалар оешмасы эшчәнлеге-яшүсмерләрне тәрбияләү институты"темасына түгәрәк өстәл артында фикер алыштылар.Киңәшмә эшендә узган уку елына нәтиҗә ясалды, алдагаы уку елына эшне оештыру буенча максат куелды,бурычлар билгеләнде.Киңәшмәдә мәгариф идарәсенең тәрбия эшләре буенча җитәкченең урынбасары Шакирова Р.М., методист Мусина Г.М.

«Актаныш басмалары» су буе скверында  балалар өчен “Авылым-авылкаем” исеме астында күңелле җыр бәйгесе оештырылды. Актаныш районы авылларына багышланган җырларны кабат искә төшерделәр. Бәйрәм төрле уеннар, ярышлар белән үрелеп барды.Велосипед белән биремле йөреш малайларга аеруча кызыклы булды.Мондый бәйге-тамашаларны балалар көтеп ала һәм бик теләп катнашалар.

Уважаемые руководители ОУ!Приглашаем Вас участвовать на открытых конкурсах по простейшим пневмо-ракетамоделям и авиамоделированию,который состоится 17 августа 2018 г.

27-28 июль көннәрендә Актаныш районында Бөтенрәсәй “Актаныш гармуннары” фестивале үтте.Татарстан районнарыннан гына түгел, Рәсәйнең төрле төбәкләреннән гармунчылар Актанышыбызга җыйналды. Кунакларны Сабантуй мәйданында урнашкан милли аһәң бөркелеп торган татар өе каршы алды. “Актаныш басмалары” су буе скверы да кунаклар көтә. Зур бәйрәмгә Актаныш балалар иҗат үзәге хезмәткәрләре дә үз өлешләрен керттеләр.

"Актаныш басмалары"яр буе скверында балалар белән төрле күңелле бәйгеләр бер-берсен алмаштырып кына тора.Бүгенге "Балалар фольклоры"исеме астында үткәрелүче чара дәү әни белән очрашудан башланып китте.Балалар бик теләп тел кәрмәкләндергечләр,такмаклар,такмазалар әйттеләр.Катлаулы табышмакларга җавапларны бик тапкырлар гына таба алды.Балачак уеннарын Балалар иҗат үзәге педагоглары кызыклы итеп оештырды.Су буе скверында мондый чараларны балалар көтеп алалар һәм бик теләп катнашалар.