Балалар иҗат үзәгендә "Сугыш еллары техникасы" исеме астында Бөек Җиңүнең 75 еллыгына багышланган бәйге үтте.Район Мәгариф оешмаларыннан 19 белем бирү оешмасы әлеге бәйгедә 98 эш белән катнашты.Бәйгедә катнашучыларның иҗади эшләре белән танышырга,аларга бәйге барышында уңышлар теләргә Район Башкарма комитеты җитәкчесенең социаль эшләре буенча урынбасары Ләйсән Фоат кызы Нурлыева килде.Катнашучылар тарихны, агач,металл һәм башка төр материаллар белән эшләү алымнарын да тирәнтен өйрәнгәнлекләрен эшләрендә ачык чагылдырганнар.Жюри тарафыннан һәр эш өйрәнелеп,укучыларның чыгышлары белән исбатланып,бәя бирелде.Әлбәттә бәйгенең Нигезләмәсе буенча куелган таләпләр төп нигез булып тордылар.Бәйгедә катнашучыларга уңышлар телибез!

"21 нче гасыр Кулибиннары" бәйгесенең район этабына 4 нче март көнне Балалар иҗат үзәгендә нәтиҗә ясалды.6 номинациядә 27 эш каралды,җиңүчеләр билгеләнде.Районны республика этабында яклаучылар:Садыков Динар - Балалар иҗат үзәгеннән ("Авыл хуҗалыгы" һәм"Станоклар"номинацияләрендә);Фазлыев Денис - Уразай мәктәбеннән("Транспорт"номинациясендә);Хусаенов Раиль - Актаныш гуманитар-гимназиясеннән("Көнкүреш техникасы" номинацисендә); Варин Ризван - Кадет интернат-мәктәбеннән("Электроника" номинациясендә); Тимиров Инсаф - Зөбәер мәктәбеннән ("Акыллы йорт" номинациясендә).Барыгызга да уңышлар телибез!

1 март көнне Балалар иҗат үзәге коллективы район оешмалары арасында уздырылган кышкы Спартакиада ярышларында катнашты.7 төрдә көч сынашып,команда бишенче урынны яулады.Әфәрин!

       Мамадыш шәһәрендә 27-29 нчы февраль көннәрендә яшьүсмерләр арасында Татартстан Республикасы беренчелегенә татарча көрәш буенча ярышлар үтте.

Үз  авырлык үлчәүләрендә   җиңү яулаучылар: 
1 урын -  Фәтхуллин Айнур ;

2 урын -  Гыйлемов Салават.

Җиңүчеләребезгә Рәсәй беренчелегендә уңышлар теләп калабыз!

Остазлары – Садри А.М.

1 нче март көнне район үзәге мәктәпләре "Созвездие - Йолдызлык - 2020" фестиваленең район турын зур гала-концерт белән йомгакладылар. Нәтиҗәләр түбәндәгечә:

"Созвездие - Йолдызлык - 2020"фестиваленең район этабы гала-концертлар белән йомгаклана.Эстафета район балалар бакчалары кулында.46 номерны үз эченә алган зур конөерт нәниләрнең иң-иң осталарын,сәнгатьлеләрен ңыйды.Балаларның чыгышы зур кызыксыну белән кабул ителде.Район башлыгы Э.Н.Фәттахов,район Башкарма комитеты җитәкчесе И.И.Габдулхаев,район Башкарма комитеты җитәкчесенең социаль эшләре буенча урынбасары Л.Ф.Нурлыева - зур концертның мәртәбәле кунаклары булдылар.Нәтиҗәләр түбәндәгечә:

I урын - "Каенкай" балалар бакчасы, "Тылсым" мәктәп-бакчасы;

II урын - "Ромашка","Умырзая" балалар бакчасы;

III урын - "Кояшкай","Алтынчәч" балалар бакчасы.

Авыл балалар бакчалары арасында:

I урын - Пучы балалар бакчасы;

II урын - Яңа Әлем балалар бакчасы;

Фестивальнең махсус ризы лауреатлары:Байсар,Киров балалар бакчалары

"Йолдызлык - Созвездие -2020" фестиваленең район туры авыл мәктәпләре укучылары арасында гала - концерт белән йомгакланды.Нәтиҗәләр урта һәм төп гомуми белем бирү мәктәпләре арасында ясалды.Фестивальнең махсус призы лауреаты - Югары Яхшый төп гомуми белем бирү мәктәбе.

I урын -Байсар төп гомуми белем бирү мәктәбе;

II урын -Мари Суксу,Тат.Ямалы төп гомуми белем бирү мәктәпләре;

III урын - Иске Кормаш, Яңа Әлем, Әтәс төп гомуми белем бирү мәктәпләре.

Урта гомуми белем бирү мәктәпләре  арасында:

I урын -Сәфәр урта гомуми белем бирү мәктәбе;

II урын -Пучы урта гомуми белем бирү мәктәбе;

III урын - Кадет интернат-мәктәбе.

Фестивальнең махсус призы лауреатлары: Тат.Суксу һәм Киров урта гомуми белем бирү мәктәпләре. 

Хөрмәтле ир-егетләребез!Барыгызны да бәйрәм белән котлыйбыз.Күңел көрлеге,сәламәтлек, озын гомер, гаилә бәхете телибез!

"Тылсымлы куллар" тугәрәгенә йөрүче укучыларыбыз кабат  җиңү яуладылар. Регионара "Морозко" декоратив - гамәли конкурсында Исламова Ләйсән hэм Туктарова Мәрьям 3 урынга лаек булдылар. Җитәкчеләре - Фазуллина Гөлшат Хавил кызы. Котлыйбыз!

Лаеш районы җирлегендә "Шәп әйдәман - 2020" республика бәйгесенең йомгаклау этабы- иң-иңнәрне сайлау - республика туры үтте.Бәйгедә 50 әйдәман көч сынашты.Бәйге барашында әйдәманнар үз эшчәклекләрен презентация,видео аша чагылдырдылар.Шулай ук балалар хәрәкәте эшчәнлеге һәм торышы буенча тест уздылар,зал белән уеннар оештырдылар.Бәйге ахырында җиңүчеләр ачыкланды:призлы урыннарга ия булучылар һәм алты номинация буенча җиңүчеләр.Актанышның гуманитар гимназия каршында оештырылган "Ялкын" балалар оешмасы әйдәманы Мухаметдинова Лиана "Иң заманча әйдәман" номинациясендә җиңү яулады һәм Диплом белән бүләкләнде.Котлыйбыз!