Барыгызны да 1 Май бәйрәме белән тәбрик итәбез!Илебезгә тынычлык,аяз күк йөзе,иминлек телибез!

"Образ"балалар бию студиясе Актаныш балалар иҗат үзәге каршында эшләп килә.Аның күп еллык тарихы һәм сөендерерлек күрсәткечләре бар.Бүгенге көндә студия педагоглары балалар белән онлайн режимда эшлиләр.Миндияров Р.В. һәм Романова Н.С.балаларның дәресләрдә катнашуларын,биремнәрне даими үтәп баруларын контрольдә тоталар, элемтәдә торалар.

26 апрель - бөек шагыйребез Габдулла Тукай туган көне уңаеннан бар татар дөньясы Туган тел бәйрәмен каршылый. Кызганыч, башка еллардагы кебек зурлап, шигри моңга, җыр-биюләргә үрелеп уза алмады ул быел.
Бәйрәм уңаеннан район башлыгы Энгель Фәттахов һәм район башкарма комитет җитәкчесенең социаль мәсъәләләр буенча урынбасары Ләйсән Нурлыева Тукай һәйкәленә чәчәк салдылар. Чарада шулай ук Г.Тукай исемендәге Дәүләт бүләге иясе Илфак Ибраһимов, композитор Инсаф Хәбибуллин, мәгариф һәм мәдәният хезмәткәрләре катнашты.

"Мәктәптән тыш эшләр республика үзәге" оештырган экологик юнәлештәге проектлар конкурсына нәтиҗә ясалды.Балалар иҗат үзәге өстәмә белем бирү педагогы Н.Н.Хасанова әлеге бәйгедә җиңү яулады.Котлыйбыз!

13 апрель көнне өстәмә белем бирү педагоглары дистанцион киңәшмә үткәрделәр.Оешма җитәкчесе И.Т.Хуҗин балалар белән өстәмә белем бирүне оештыруда нинди кушымталар белән эш оештырырга тәкъдим ителүе,эшчәнлеккә булган таләпләрдәге яңалыклар белән таныштырды.Җитәкчелекнең укыту-тәрбия эшләре буенча урынбасары Ә.Х. галиева эш барышына анализ бирде.Ата-аналар белән элемтэ турында аерым эш билгеләнде.

Уважаемые педагоги дополнительного образования!Информацию предоставить ежедневно, с нарастающим итогом.(iuzage@mail.ru)

Балалар иҗат үзәге педагоглары эш оештыруның төрле формаларын кулланалар."Акварель" (җит. Анварова Г.Ф.), "Дизайн нигезләре" (Фатыхова А.М.) Zoom кушымтасында дәресләр үткәрделәр."Модница", "Күңелле инглиз теле","Уйный-уйный өйрәнәбез", "Оригами",Бусинка","Тылсымлы куллар","Әкиятне үзең эшлә","Көрәш","Серле сәнгать" түгәрәгендә шөгыльләнүче балалар да дистанцион дәресләрдә катнаштылар.

 Актаныш Балалар иҗат үзәге педагоглары эш атнасын, видеоэлемтә аша киңәшмә үткәреп, башлап җибәрделәр.Узган атнада Zoom кушымтасы аша видеоконференция режимында эш оештыру буенча фикеләр алыштылар.Дүшәмбе киңәшмәсендә мәгариф идарәсе җитәкчесенең тәрбия эшләре буенча урынбасары Гимадиев Айнур Рәсим улы да катнашты.Балалар иҗат үзәгенә йөрүче балаларның,аларның әти-әниләренең сорауларын,мөмкинлекләрен исәпкә алып,эшчәнлекне дәвам итүнең отышлы алымнары турында фикерләр тыңланды.

"Модница" түгәрәгенә йөрүче кызларыбыз җитәкчеләре Р.К.Зарипова җитәкчелегендә, читтән дәрес алып, махсус маскалар тектеләр.Әфәрин,кызлар!