22 апрель - "Халыкара җир көне -чиста су, җир һәм һава бәйрәме. Бүген уртанчылар төркеме балалары тәрбияче апалары Эльвира Бәһрәм кызы белән Җир көнен билгеләп үттеләр. Апалары нәниләргә Җир планетасының экологик торышы, табигатьнең гүзәллеге, байлыклары турында сөйләде. Җирнең барлык тереклек ияләре өчен уртак йорт икәненә басым ясады. Балаларда сакчыл караш, кешелеклелек, киң күңеллелелек сыйфатлары тәрбияләнде.

Бүген кояш үзенең шәфкатьле нурларын тагын да ныграк сипте, табигать чистарып, яшәреп калды. Ни өчен дигәндә, Актанышыбызның һәр почмагында диярлек язгы өмә гөрләде. Безнең бакча коллективы да әлеге акциядән читтә калмады. Күмәкләшеп, эшләгән урыныңның ишегалларын чистарту, агарту һәм яшеллеккә баету максатыннан агачлар утырту бик күркәм күренеш. 

Балалар бакчасы администрациясе бүгенге өмәдә актив катнашкан хезмәтеәрләргә зур рәхмәтләрен җиткерә!

ФДББСның бер өлеше буларак, ата-аналар белән партнерлык мөнәсәбәтләренә бакча коллективы зур өлеш бирә. Бүген бачабызда узган, төрле өлкәләрне үз эченә алган ата-аналар җыелышы шуның ачык мисалы.  Җыелышны бакчабызның мөдире Лилия Рамзилевна ачып  җибәрде. Ул бакчабызда булган үзгәрешләр турында мәгълүмат бирде. Һәрчак актив булганнары һәм  ярдәм кулы сузганнары өчен әти-әниләргә рәхмәтләрен җиткерде. Һәм шулай ук бакчабызның  өлкән шәфкать туташы Гаптелхаева З.Ф. сәламәтлекнең торышы, туклану, режим  моментлары турында сөйләп үтте. Җеылышыбыз бик тә эчтәлекле  чыгышлар, эшлекле уеннар белән дәвам итте. Өйдә, балалар бакчасыннан тыш вакытта балалар белән шөгыльләнү өчен, Сабирова Э.Р. мастер-класс күрсәтте. Эшлекле уеннар, мастер-класс вакытында әти-әниләр  бик актив булдылар һәм бик канәгать калдылар. Җыелышыбыз бакчабыз тормышы турында төшерелгән нәфис фильм карау белән төгәлләнде.

Бакчабызның музыка җитәкчесе Салихова Ч.Д. Яр Чаллы шәһәрендә белем күтәрү курслары үтә. Чулпан Дәниф кызы "Музыкаль тәрбия бирүдә ата-аналар белән эшчәнлек формасы буларак блиц-оркестр" темасы астында узган мастер-класста катнашып, бик күп кызыклы һәм файдалы мәгълүмат туплаган.

Бүген мәктәпкә әзерлек "В" төркеме балалары мәктәп, андагы мөхит, укытучылар белән танышу максатыннан, тәрбияче апалары Мәзнәвиева М.Р. һәм Исламова З.З. җитәкчелегендә 2 нче  мәктәпкә экскурсиягә бардылар. Балалар парта артына утырып, чын укучылар кебек кызыклы биремнәр чиштеләр, уеннар уйнадылар. Булачак укытучы апалары әйткән мәсьәләләргә җавап эзләделәр. Соңыннан спорт залында спорт уеннары уйнап күңел ачтылар. Китапханәдә балалар китаплары белән танышып, үзләренә бик кызыклы һәм файдалы мәгълүмат тупладылар. Безне җылы каршы алганнары өчен мәктәп коллективына зур рәхмәтләребезне җиткерәбез, иҗади уңышлар телибез!

Экология мөһим мәсьәләләрнең берсе булып тора. Ул үзенең актуальлеге белән бүген бөтен кеше алдына килеп басты. Табигатьнең киләчәге, бөтенлеге кеше кулында. Экология проблемасының үзебез яши торган җирдә тирәлектә дә чагылуы без- тәрбиячеләрдә  борчылу тудыра һәм төрле педагогик эшчәнлеккә этәрә. Мәктәпкәчә яшьтәге балаларга аеруча кызыксынучанлык хас. Алар  бигрәк тә  табигатькә игътибар итәләр.Табигатьне күзәтү, аны өйрәнү, сакларга омтылу- балаларның рухи дөньясын баета, уйларга өйрәтә. Шуның өчен балалар бакчасында тирә-якны өйрәнү, табигатькә сакчыл караш, экологик тәрбия зур урын алып тора.

Бүген 15 апрель - "Экология көне" уңаеннан, балалар белән табигатьне саклау, терек табигатькә карата сакчыл караш тәрбияләү турында әңгәмәләр үтте.

Ә менә бакчабызның иң кечкенә ясле төркеме балалары, кояшның якты нурлары астында җылылык эзләп йөргән күбәләкне күзәттеләр.Һәм бөҗәкләргә тияргә ярамаганлыгы турында тәрбияче апалары Гардиева. Г,Р. ның сөйләвен тыңладылар.

Юрий Гагарин- 
Исеме аның. 
Ул хәбәр итә 
Биектән барын: 
Таулар, елгалар, 
Шәһәрләр күркәм: 
Дала һәм кырлар 
Ямь – яшел үлән.

Бүген физкультура инструкторы Зөлфия Зәет кызы Чаллы шәһәрендә семинарда тәҗрибә уртаклашып, яңалыклар алып кайтты. 75 нче "Гвоздика" балалар бакчасы базасында, "ФДББСка нигезләнеп физкультура-сәламәтлек саклау эшчәнлеген модельләштерү" темасы астында үткән әлеге семинарда тәрбиячебез яңа уен алымнары, дидактик уеннар, мастер-класслар һәм шөгыльләр карап, үзенә тәҗрибә туплап кайтты. 

Мәктәпкәчә һәм башлангыч белем бирүнең дәвамчанлыгы бик матур күренеш. Һәм әлеге дуслык җепләрен ныгыту максатында мәктәпкә экскурсияләр оештырыла. Бу сәфәр мәктәпкәчә яшьтәге балалар алдында тиздән аларның үсеп, яна "уку йорты"на барачакларын аңларга ярдәм итә.

Балаларны мәктәпкә психологик яктан әзерләү кысаларында мәктәпкә әзерлек "Б" төркеме балалары Актанышыбызда урнашкан 2 нче мәктәптә булдылар. Мәктәптә алар үзләрен чын укучылар итеп хис итә, уку сыйныфында парта артына утырып, тактада яза һәм укытучының сорауларына җавап бирә алдылар. Физкультура залында булдылар һәм инглиз теле кабинетларында укучыларның дәрестә ничек шөгыльләнүләрен күрделәр. Шулай ук балалар  китапханәдә кызыклы китаплар, энциклопедияләр белән таныштылар. Бүгенге сәфәрдән балалар зур тәэсирләр алып кайттылар. Алар балалар бакчасына кайткач, тизрәк мәктәпкә укырга барасы килүләрен сөйләделәр.

Безне җылы итеп каршы алган 2 нче мәктәп коллективына зур рәхмәтләребезне җиткерәбез.

Балаларны язгы үзгәрешләр белән таныштыруны дәвам итәбез. Тәрәзә төбендә тәҗриҗрибә ясау, күзәтү максатыннан  мәктәпкә әзерле Б төркемендә йөрүче балалар кечкенә савытларга бодай, борчак, арыш чәчтеләр, суган утырттылар.  Балалар үзләре су сибә. Көн дә килү белән үсентеләрне күзәтәләр. Үтәкүренмәле савытта үсентеләрнең тамырлары да күренә. Суган кыяклары озын булып үскәч,  көндезге ашны балалар тәмле яшел суган белән ашады. Тал песиен  балалар аеруча яратып күзәтә.